یاگۍ چۊڵە جە نەۋەشخانەو زارۊڵا هەڵەبجەینە نەمەنېنە
ڕاۋەبەرو گرڎی تەندروستی هەڵەبجەی، ئەرەیاۋناش؛ بە مەڵامەتو فرەیی ڕێژەو توشبیەی بە نەوەشی هەوکەرڎەو پەردەو مەژگیۊ دلۍ زارۊڵانە ۋەرەن ڕوو قەیرانو کەمی دەرمانی بیېنمېۋە.
ڕاۋەبەرو گرڎی تەندروستی هەڵەبجەی ئاگایی مڎۊ جە ۋەرەن ڕووبیەیشاوە جە قەیرانێۋە گۆرۍ کە بە مەڵامەتو کەمی دەرمانی و فرەیی ڕێژەو توشبیەی بە نەوەشی هەوکەرڎەو پەردەو مەژگیۊ دلۍ زارۊڵا مەنتیقەکەینە ۋەرەن ڕوشابیەنۊ، تیمێۋە ئێرانیېچ ئامېنۍ پۍ ۋشکنای تا مەڵامەتو ۋەڵابیەیۊکەی بزانا .
ماۋەو چن ڕوۋېۋەن نەوەشی هەوكەرڎەو پەردەو مەژگی دلۍ زارۊڵا پارێزگاو هەڵەبجەینە ۋەڵاوبیەنۊ، تا ئی ۋەختە ٢٦ زارۊڵۍ جە نەوەشخانەو زارۊڵانە جە شارەکەنە داغڵكریېنۍ بەمەبەسو ورگېرتەو چارەسەری پزیشكی و ۋەردەوام ڕێژەو توشبیا ئینا زیاڎ بیەینە.
ھ.ش
