ئامەڎ سپۊر بەشێۋێۋی جەم پێشوازیش ۋنە کریا
ئامەڎ سپۊر کە جە میانەو کێڵەکەرڎەی چنی بورساسپۊری ھجومی نەژاڎ پەرستانەش کریابێنە سەر، جە ئامەڎ بە ھەزاران کەسۍ پێشوازیشا ۋنە کەرڎ.
تېمو ئامەڎ سپۊری جە ئاخرو حەفتەینە ۋەرەن ڕوو تېمو بورساسپۊری بېۊ، بەڵام ھجومۍ نەژآڎ پەرسانە کریا سەرو تەمامو کێڵەکەرەکاشا.
تېمو ئامەڎ سپۊری گێڵاۋە پۍ ئامەڎی و جە مەتارەنە جە تەرەفو ھەزاران کەساۋە پێشوازیشا ۋنە کریا.
ھامسەرۊکو پارتو ھەرێمە دیموکراتېکەکا(دەبەپە)ی جە ئامەڎ "خەیرەدین ئاڵتون"و ھامسەرۊکا پارتو دیموکراتېکو گەلان(ھەدەپە)ی جە ئامەڎ "زیاد جەیلان و گوڵستان ئاتاسۊی"ە، پەرلەمانتارا ھەدەپەی جە ئامەڎ "ڕەمزیە تۊسون و دێرسېم داغ"ەو نوێنەرۍ ڕێکوزیا مەڎەنېەکا بەشڎاریشا جە مەراسېمو پێشوازیەکەینە کەرڎ.
خەڵکۍ فرە جە پێشوازی تېمو ئامەڎ سپۊریەنە بە تەپڵ و جوزەلۍ ھورپڕایشا سازکەرڎو ۋەردەوام بە جۊشو خرۊشۊ گۊرانیەو "دیرەن ھا دیاربەکر''ی و دروشمەو'' ئامەڎ بەشمۊ سەربەرزا"ی واچێنۍ.
چا بەینەنە جەمەو پاڵپەشتیکەرا جە تېمو ئامەڎ سپۊری ئەرەیاۋنێۋەش ۋەڵاو کەرڎۊ و ئانەش وست ڕوۋە کە ھەرگېز سازش مەکەرا.
ھ.ش
