قسەکەرو حکومەتو ھەرێمو کورڎسانی ئەرەیاۋناش، ئارۊ شانڎێۋە ھەرێمو کورڎسانی سەرداو بەغڎای مکەراو چنی ۋەرپەرساو حکومەتو عێراقی جە بارەو یاساو نەوتۍ و غازیۊ گفتوگۊ مکەرا.

جوتیار عادل، قسەکەرو حکومەتو ھەرێمو کورڎسانی جە پەیامێنە ئەرەیاۋناش، ئارۊ شانڎێۋە ھەرێمو کورڎسانی سەرڎاو بەغڎای مکەراو جە بارەو چنڎین دۊسېاۋە چنی ۋەرپەرساو عێراقی گفتوگۊ مکەراو سەبای دەس بە گلێرۊبیەی مکەرانۍ.

جوتېار عادل ۋاتش؛ شانڎەکەو ھەرێمو کورڎسانی کە ئارۊ ملا پۍ بەغڎای چنی ۋەرپەرسا عێراقی گفتوگۊ مکەرا سەرو یاساو نەوت و غازی.

ئانەیچش وست ڕوۋە، کە شانڎەکەو ھەرێمی پێک مەیا جە "وەزیرو داڎی و ستافو ۋەزارەتو سامانە سروشتېەکا، فەرمانگەو ھەماھەنگی و لوای شۊنېرە''.

یاگۍ سەرنجېا فرەو ئەنڎاما شانڎەکەو حکومەتو ھەرێمی جە پشکەو پەدەکەینۍ و حېچ ئەنڎامێۋە یەنەکەیشا نیا چنەو بە ۋاچەو چەمڎارا شانڎەکەو ھەرێمی، کە سەرڎاو بەغڎای مکەرا زیاتەر نوێنەرایەتی پەدەکەی مکەرا.

ھ.ش