ئاوارێوە ئێزدی بە تەقەو هێزەکاو پەدەکەی کوشیا
ئەرەیاونیا، کە وەڵێنیمەڕۊو ئارۊی سەعا نزیکەو ٠٩:٠٠ ئەکادیمیاو سەروزیی زاخۊیۊ تەقێوە فرە دەوروبەر و دلۍ کەمپو چەمشکۊینە کریان و ئەنجامنە ئاوارێوە ئێزدی بە نامۍ شەکریوە مەرڎەن.
بە پاو ئا زانیارییا جە ئەرەنیشتاو کەمپو چەمشکۊیوە ورگیریێنۍ، سەرسەعبوو ئارۊی سەعات نزیکەو ٠٩:٠٠ ئەکادیمیای سەروازیی زاخۊینە، کە هێزەکاو پەدەکەی چاگە ئەرەئارڎەیەرەیشا پەنەکریۊ، تەقێوە فرە کریان و بەشێوە جە گولـلەکا بەرەو دلۍ و دەوروبەرو کەمپو ئاوارەکا بیەن.
یۊ چا گولـلا وەرو یانەو ئاوارێوە بە نامۍ شەکر خودێدا حەسەنی ٤٥ ساڵەی کەوتەن و گولـلەکە وەرو ملیش کەوتەن و بەسەختی بریندار بییەن.
ئا هاموەڵاتە ئێزدییە وەڵۍ ئانەینە بیاویۊ خەسەخانە بۊنەو سەختیی برینەکەیشۊ گیانش جەدەس دان.
جەنازەو شەکر خودێدای ڕوانەو پزیشکو دادو دهۊکی کریان و تا ئیساتۍ لایەنە پەیوەندیدارەکۍ بارەو ئا ڕوودایەوە هیچ زانیاریێشا ئەرەنەیاونان.
