چێرو چەترەو جەنگو گەلی شۆڕشگێڵینە جە گرڏ تەمەنەکانە ئینێ جەنگی وێپارێزناینە. ئا ژەنێ و ئەڏایێ ڕوانە جە کۆڵانەو جادەکانە جەنگو پارێزنای مکەرا و خاکو وێشا پارێزنا پەی ئاژانسیما قسێشا کەردە.

حەوا بەرەوادە کە ئەڏاو گەشمەرڏە کارکەرینە و پەی پارێزناو خاکەکەیش ئینا سەرو جادەکاوە، ئینەش وات وت: "جارۆنە دۆڵەتو تورکی بە گرڏ شێوێ ئینا هرووژم کەردەینە، هرووژمە دڕندانەکاو سەرو سردەو قەرەقۆزاقی و بەنداو تشرینیش چڕکەردێنێ. بەڵام با دۆڵەتو تورکی یاڏ نەشۆ هامشێوەو داعشی شکست بەشش بۆنە. سەردەم سەردەمو ئێمەن، سەردەمو ئازادی و سەرکەوتەین، مشۆم گرڏ کوردێ جە دژو ئەرەگیری مڏرۆوە و سەرهۆردای بکەرۆ."

'بەبێ وڵات مەژیومێ

ئەڏێ حەوا جەختش چانەیەکەردۆ بە گرڏ ئیرادە و چەکو دەسیشاوە جە دژو ئەرەگیریایا مرداوە و چنی ڕۆڵەکاشا کە ئینێ دلێ جەنگینە کۆبانێ مکەرا قەبرسانو دووژمنا گەلو کوردی و ملکەچو خواستە نەگریسەکا دووژمنا مەبا و واتش: "بە بێ نان و زاڕۆڵەکا مژیومێ، بەڵام بەبێ وڵات مەژیومێ. بە چەکەکا دەسیما تاریکی دلێنە بەرمێ. جە گرڏ تەمەنەکانە چەکو دەسیما جە دژو ئەرەگیرا بەرزمکەرمێوە."

'چێرو چەترەو نەتەوەی دیموکراتیکنە سەرکەوتەی مسۆگەر مکەرمێ'

ئەڏا ئەمینە محەمەدە جە نەتەوەو عەرەبی کە مڏرامانو کۆڵانەکانە دەربارەو مڏرامانو ئەڏایا و جەنگاوەرا ئاماژەش پانەیەدا حیچ کاتێ نمازمێ شارێ کە بە ونەو گەشمەرڏاما وەشکریان دۆڵەت پا وسۆ دلێش و گرڏو نەتەوەکا چێرو چەترەو نەتەوەو دیموکراتیکینە پەی پارێزناو ئی خاکەیە و واتش: "دۆڵەتو تورکی چارۆنە هرووژم مکەرۆ سەرو ڕۆڵەکاما. جە دژو ئی ئەرەگیریایە . سەرکەوتەی مسۆگەرا. بڕواما بە ڕۆڵەکامانە، حیچ کاتێ دەسبەردارۍ خاکەکەیما مەبیمێ. حیچ کاتێ ملکەچۍ ئەرەگیری مەبیمێ و جە دژش مدرمێ."