ئەڎایا/مرۆڤاو شەممەی پۍ زاناو چارەنویسوو خزمە بێسەروشۊنەکاشا و بەسزایاۋنای تاوانبارا، جە حەفتەو ٩٧٦ ەمین و چالاکییەکەیشانە، جە مېڎانوو گەڵەتەسەرای کوۍ بیېوە. بنەیانەو بێسەروشۊنا وێنەو خزمەکاشا و گوڵېشا گېرتێبێنۍ دەسۆ.

سەرۆکەو کۆنسەو ناوەنڎوو یۊبیەی دکتۊرا تورکی، شەبنەم کۆرۆر فینجانجیە و پارێزنەراو مافوو مرۆڤی بەشداریشا چالاکییەکەنە کەرڎ. بەمەڵامەتوو سنووداربیەی بەشداربیا چالاکییەکەیۆ، فینجانجیە و کەسۍ تەرۍ بەروو مېڎانەکەیۆ مردۍ.

جە چالاکییەکەنە داواو ئاشکراکەرڎەی چارەنویس و ئیبراهیم دەمیری و عەگیت ئاکیپای کریا، کە ١٢ و کانوونوو یوۋەم و ١٩٩١ی جە دەگاو خاندۆکی هەزەخی گیریۍ و حیچ زانیاریېوەشا جە بارۆ نازانیا. هامسەرۆکەو لقوو ئیستنەبوڵ و ئیهەدەی، گوڵسەرەن یۆلاری-ە، سەرگوزشتەو دەمیری و ئاکیپایش گېڵناوە.

دماتەر کناچۍ ئیبراهیم دەمیری، دەنیزە دەمیر، حەرپاسە کوڕوو عەگید ئاکیپای، فەهمی ئاکیپا قسېشا کەرڎۍ. دەمیرە و ئاکیپای ئەرەیاۋناشا، ٣١ ساڵېن پۍ داڎگاییکەرڎەی تاوانبارا کۊشیەیمۍ و حیچ وەخت دەس چی کۊشیایە هۊرمەگېرمۍ.