واتەواچەو پارتو یەکسانی و دیموکراسی گەلا (دەم پارتی) ئایشەگوڵ دۆغانە بەشداریش کەرد جە کۆنگرەو ئاسایی ٢هەمینی جە شەرناخەنە، سەرنجش وست سەرو داواکارییە تاریخییەکەو ڕابەر ئاپۆی.

ئایشەگوڵ دۆغانە واتش: "ئێژا عەبدوڵا ئۆجالان دماو ٢٦ ساڵا چێرو هەلومەرجی گۆشەگیریینە داواکاریش کەرد. داواکارییەکەش پەی مرۆڤایەتی و گەلا وەرکەوتوو مییامین لاپەڕێوە تازەش کەردۆ".

ئایشەگوڵ دۆغانە ئاماژەش پانەیەدا: "ئەر خواستو ئاشتیی و گلێرگەی پێوەرە نەلۆڕاوە، پێکئاردەو ئاشتیی کاتێوە فرەش گەرەکا. داواکاری ئێژا ئۆجالانی جە لێوە دەستپێکو ئاشتییا، لێوە تەرۆ دەستپێکو گلێرگەو دیموکراتیکیا. پەی ئێمە لاپەڕێوە تازە مکەرۆوە. دماو ٢٦ ساڵا ئی حەقیقەتەو وێش نیشانە دا".

ئایشەگوڵ دۆغانە وێنەو بانگەوازییەکەو ٢٧و شوباتیش یاڏ ئەردیمێ و واتش:

سەر و چەما ئێژا عەبدوڵا ئۆجالانی تاریخما وینا. ئێمە ماچمێنە وەسێن ئیتر وەسێن. ئێمە داواکاریی گەلەکەیما وینمێنە و گەلەکەما پەرسۆنە کەی گۆشەگیری دمایش مێ؟ ئێمە چێوە جە بۆتانۆ داوا مکەرمێ. ئیتر مشۆم هەل و مەرج پەی ئێژا عەبدوڵا ئۆجالانی خاستەر کریۆنە. ئی پرۆسە مشۆم بە سەرمەشقایەتی وێس ئەنجام دریۆنە. وەشخاڵێنمێ کە دۆڵەتو باخچەلی و ئەردۆغان دەسوەڵیش وستەن. بەڵام قبوڵش مەکەرمێ کەسانێ جە بارودۆخێوە ئاسوودەنە کار چی پرۆسەکە بکەرۆ، بەڵام کەسانێ تەرێ چێرو بارودۆخو گۆشەگیرینە هەرمانە بکەرا".

دماو وتارەکا کۆنگرەی، جە ئەنجامو دەنگدانەکانە، تایبەت بیلگی و ڕەمەزان ئویسال پێسەو هامسەرۆکو دەم پارتی شرناخ هورچنیێ.