یەبەشە جە بارەو ھجومو دەوڵەتو تورکیایوە ئەرەیاۋنېوەش ۋەڵاکەرڎۊ
یەبەشە ئەرەیاۋناش کە جە ھجومو درۊنەکا دەوڵەتو ئەرەگیری تورکینە، مېمانېوەشا گەشمەرڎە بیەن و هەڤاڵێوەیچشا زامڎار بیەن.
یەکینەکۍ مدرامانو شەنگالی (یەبەشە) جە بارەو ھجومو ئارۊو درۊنەکا دەوڵەتو ئەرەگیری تورکیایوە پۍ سەرو شەنگالی یاۋنەریېش ۋەڵاکەرڎۊ.
یاۋنەریەکەو یەبەشەی پی جۊرەنە:
" سەرسەعبو ئارۊی درۊنێوە دەوڵەتو ئەرەگیری تورکی مېمانخانەو ئێمەش بۊمبۋاران کەرڎ. جە ئاکامەنە مېمانېوەما گەشمەرڎە بی و هەڤاڵێوەما زامڎار بی. مېمانەکەما نامېش سەعید ئەشورا ن خەڵکو خانەسۆریا.
دەوڵەتو ئەرەگیری تورکی ماوېوە فرەن ھجومی ئاسمانی وەران ۋەرو شەنگالی ئەنجام مڎۊ. ھجومەکەو ئارۊیچ، هەمان ئامانجو دەوڵەتو ئەرەگیری تورکی وزۊ ڕووە. ئینە ھجومی یوۋەم نییا کە وەران ۋەرو خەڵكی ئێزدیمانە ئەنجام مڎریۊ، جە بنەڕەت و نەواخنو ھجومەکانە، وەردەوامی کۆکوشکەرڎەی مەردمو ئێزدیما هەن."
ھ . ش
