سەرو داواو چڼین، ئەرەمەزیۍ، ڕێکوزیێ تەڤگەرێ کە جە نوێنەرو سەندیکاکا، جمېیەرە فیمینیستییەکا و پارتە سیاسییەکا پێکمۍ،جە چوارچێوەو هەڵمەتەو "ئازادی پەی عەبدوڵا ئۆجالانی، چارەسەری سیاسی پەی پەرسو کوردی"سەرو ئاستو کیشوەرو ئەمریکای لاتینی هەڵمەتۆو کۆکەردەیۆ ئیمزایاشا دەسپنەکەرد.

کەمپینەکە مېیانو CTA-Autonoma شارو بوێنس ئایریسو پایتەختو ئەرجەنتینینە بە کۆنفراسێوە ڕۆنامەوانی ئەرەیاویا.

کۆنفراسەکەنە ژمارێوە فرە جە پەڕلەمانتارا، نوێنەرو تەڤگەرەکا ژەنا و تەڤگەرە کۆمەڵایەتییەکا، سەندیکاکۍ ئاماڎۍ بێنێ، داواو هامبەشو گرڎو بەشداربیا ئەنجامدای چالاکی بێ پەی مسۆگەرکەردەی ئازادی جەسەیی ڕابەر ئاپۆی.

کۆنفرانسەکەنە لیاندرۆ ئالبانی دەربارەو سیاسەتو قڕکەردەی دژ بە کوردا قسێش کەردۍ و سەرنجش وست سەرو قەرارو سزاو جە قەنارەدای وەریشە مورادیێ جەلایەنو دۆڵەتو ئێرانیوە. هەرپاسە ئالبانی باسش جە سیاسەتە ئەرەگیرییەکا دۆڵەتو تورکی کەرد کە دژو وەرنیشتی سەرو میڏانەکا ژیوای مکەرۆشا و جەختشکەردۆ گرڎو ئانیشا بەردەوامیداین بە سیاسەتو قڕکارییەکا دژمنا گەلو کوردی دژو گەلا کوردەسانی.

دماتەر بە نامێ تەڤگەرو ژەنا کوردیۆ، ئایدە قسێش کەردۍ و ئاماژەش بە گرنگی ئازادی جەسەیی ڕابەر ئاپۆی و فکر و فەلەسەکەیش کەرد پەی گەلو کوردی و ژەنا بە تایبەت.

'چالاکی پراکتیکی گرنگا'

بەشدارا کۆنفرانسەکەی جەختشا چانەیەکەردۆ  کە مسۆگەرکەردەی ئازادی جەسەیی ڕابەر ئاپۆی تەنیا بە قسەکەردەی نمێ ئاراوە و باسشا جە گرنگی ئەنجامدای چالاکی پراکتیکی کەرد.

یەکەم ڕۆو کامپینەکەینە ژمارەو کۆکردەیۆ ئیمزاکا جە ١٠ وڵاتانە یاوا ٨٢ ئەرەمەرزیێ و ٩ کەسایەتیێ نامیۍ.