ئەنڎامێۋە لوجنەو دارایی پەرلەمانو عێراقی ۋەڵاوش کەرڎۊ، ئېحتېمال کەرۊ ۋەڵۍ جەژنەو ڕەمەزانی بودجەو ٢٠٢٣ۍ عێراقی پەسەن کریۊو ۋاتش؛" کوڵ ئارڎێۋە گۊرە جە بوجەو ئێساڵیەنە ھەن".

"جەمال کۊچەر'' ئەنڎامو لوجنەو دارایی پەرلەمانو عێراقی ئەرەیاۋناش:" ڕەنگە ۋەڵۍ جەژنەو ڕەمەزانی بودجە پەسەن کریۊ، پەرلەمان دەسەڵات و زیاڎکەرڎەو مەعاشېش نیا جە بودجەنە.

ئاماژەش پانەی کەرڎ، بودجەو ئێساڵی کوڵش ئارڎەن، ئېنەیچ ڕەنگە حکومەتی پاسە پنە کەرۊ پەنا بەرۊ ۋەرو قەرزکەرڎەی.

ۋەڵتەریچ مەنار عوبێدی، شارەزا جە بوارو ئابوریەنە، تەسەورو ئانەیش کەرڎەبۍ کە کوڵ ئاورڎەو بودجەو گرڎی دەوڵەتی بیاۋۊ ٩٠ ترلېۊن دینارۍ، جە ئەگەرو بەدەس ناماو داھاتەکا بەتەمامی پێسە پلانەش پۍ نریا بێرە، ئانە عێراقی ۋەرەن ڕوو قەرزی مکەرۊۋە.

ڕۊو ١٣ و ئاداری، ئەنجومەنو وەزیرانو عێراقی ڕەشنوسو یاساو بودجەو یەرۍ ساڵا دماتەریش پەسەن کەرڎ، کە بەھاکەش نزیک بە ٢٠٠ ترلېۊن دیناران، کە گۊرەتەرین بڕە بوڎجەن جە ۋەڵېنگەو عێراقېنە.

ھ.ش