کۆنفڕانسوو 'ئازاڎیی پۍ ڕابە عەبدوڵا ئۆجالان'ی کە جە لایەنوو دەسوەڵێوستەی سوری پۍ ئازاڎیی عەبدوڵا ئۆجالانی جە زانشتگەو شەرقی (ۋەرکەوت)ی رەقانە لوواڕاوە، جە ڕاو ئاشکراکەرڎەی ئەنجامنامېوە دمایش بە هەرمانەکاش ئارڎ.

جە دمادمایی کۆنفڕانسەکەینە ئەندامەو دەسوەڵێوستەکەی هند داغستانی-ە ئەنجامنامەو کۆنفڕانسەکەیش وەناوە.

جە ئەنجامنامەکەنە ئامان، "بە دروشمەو 'پاشێلکاری یاسا میان نەتەوەییەکا جە دۆسیەو ڕابەر عەبدوڵا ئۆجالانی و ماف جە داڎپەروەرینە' یوۋەم کۆنفڕانس جە زانشتگەو ۋەرکەوتوو رەقاینە لوواڕاوە.

جە کۆنفڕانسەکەنە پێشنیازوو ئی خاڵا کریا:

جە لاو داڎگاو ئەوروپایۊ شەکوا سەروو ئەردۆغانی تۆمار کریۆ.

سەرنجوو ئا دەوڵەتای کە پەیماننامەو جنێڤیشا ئیمزاکەرڎەن، پۍ سەروو ئاژەو ڕابەر عەبدوڵا ئۆجالانی کیشیۆ، کۆمیتەی یاسایی پێکبێنە، پۍ ئانەی شرۆڤە پۍ دۆسیەو گېرتەی ڕابەر عەبدوڵا ئۆجالانی کەرا.

جە ئەرەۋناکاوە سەرنج وزا سەروو ئا دۆسیەیە، پۍ ئانەی کردەوۍ و مامەڵەکۍ تورکیای هۊرماڵیا و جە قاو دریا.

پەشتگیری تەماموو دەسوەڵېوستەییە میان نەتەوەییەکا و دەسوەڵېوستەی ڕابەرایەتی کریۆ.

فشار وزیۊ سەروو رێکوزیا میان نەتەوەییەکا، ۋەروو ئانەی ئەرکە یاساییەکاشا ۋەران ۋەر بە دۆسیەو ڕابەر عەبدوڵا ئۆجالانی جابەجێ کەرا.

سەروو ئاستوو ۋەرکەوتوو دلېڕاسەی کۆنفڕانسێوە سازکریۆ. کۆمیتە و دەسەی یاسایی پێکبێنە، پۍ ئانەی ئا تاوانا بە لایەنە پەیوەندیدارەکا بیاونا..

پەی ئاشکراکەرڎەی ئاژەو تەندروستی ڕابەر عەبدوڵا ئۆجالانی  بە هامکاری یۊبیەی تەندروستیی سەرنیشت و جەهانی دۆسیېوە جە سەرنیشتوو ۋەرکەوتوو سوریاینە کریۊوە.

پۍ سەرجەنۆ کەرڎەیۆ دۆسیەو ڕابەر عەبدوڵا ئۆجالانی پېخامېوە ئاراسەو دەسەڵاتی داڎوەری یۆنانی کریۆ.

ئەنجامنامەو کۆنفڕانسەکەی بیاونریۆ بە دەوڵەتا هەرێمی، پەی وەڵاکەرڎەیۆ ئەندێشەکا دلۍ گەلانە جە سوریا و جەهانەنە چالاکیەکۍ زیاتەرۍ کریا.

کۆنفڕانسەکە سەکوېوەن پۍ بەردەی ڕاوەو چالاکیەکا پەیوەس بە دۆزوو ڕابەر عەبدوڵا ئۆجالانی. جە رووی یاساییوە ۋېشا بیاونا پایتەختوو وڵاتا عەرەبی و جەهانی.

بەمەڵامەتوو تاوانە دژەمرۆڤایەتیەکا و کۆکوشی جە دۆسیەو ڕابەر عەبدوڵا ئۆجالانینە، جە لاو داڎگا میان نەتەوەییەکاوە شەکوا دژوو هەرمانبەدەسا دەوڵەتوو تورکی تۆمار کریۆ.

داوا جە سی پی تی کریۆ ئەنجاموو سەرداکەیش جە ئەیلولوو ٢٠٢٢ پۍ ئیمراڵی ئاشکرا کەرۆ. مشۊم دۆڵەتە گۊرەکۍ بە تایبەتی ئەمریکا هەڵوێس و سیاسەتی دەبڵ ستاندەری ۋېشا جە دۆسیەو ڕابەر عەبدوڵا ئۆجالانینە فاڕا.

پۍ زانای ئاژەو تەندروستی ڕابەر عەبدوڵا ئۆجالانی کۆمیتېوە تەندروستی میان نەتەوەیی پېکبێنە.

پۍ وەرگیری و پارېزنای دۆسیەو ڕابەر عەبدوڵا ئۆجالانی کۆمیتێوە پارێزنەرا جە تەماموو هەرێمەکا و دەوڵەتەکا پېکبێنە.

ڕا بە بنەیانە و پاڕێزنەرا ڕابەر عەبدوڵا ئۆجالانی بڎریۆ چەمشا پنەش گنۆ و دمایی بە گۆشەگیری سەریش بېنە ".