ناوەنڎوو ئەرەیاۋنای و چاپەمەنی هەپەگەی سەروو ئۆپراسیۆنەکەی ئی زانیاریێشە ئەرەیاۋنۍ:

"راپیمای سەرکۊتەی هەڵمەتەو گەریلاکا ئازاڎیی کوردسانی سەرەمڕە بەردەواما. گەریلاکێما جەژنەو ژیۋایۆ و مدرامانوو نەورۆزیشا بە رۆحوو کاوەی هامچەرخی هامڕا مەزڵوم دۆغانی پێشوازی کەرد. گەریلاکۍ ئازاڎیی کوردسانی کە بە سەرکۊتەی گۊرەی ئاسمانی نەورۆزوو ٢٠٢٤یشا کەرد بە دیاری پۍ گەلوو کوردی، سەروو زەمینیچۆ جە ١٩و ئاداروو ٢٠٢٤ینە بە ئۆپراسیۆنی شۆڕشگێڵنیی گورزەی قورسەشا جە سوپاو تورکی ئەرەگیری شانا و پی جۆرە جەژنەو نەورۆزوو گەلە وڵاتپاڕێزەکەیماشا پیرۆز کەردە.

تاکتیک و تەکنیکی تایبەت بەکارئاما

جە مێڎانوو مدرامانوو کەش و ئامێدینە جە هەرێموو گەشمەرڎە دەلیلوو ۋەرنیشتوو زاپی، جە دژوو یەرۍ بارەگایا سوپاو تورکی ئەرەگیری ڕۊو ١٩و ئاداری سەعات ٠٩:٢٥ دەیەقۍ ئۆپراسیۆنی شۆڕشگێڵنی گەشمەرڎا جوانی- ئاندۆکی لوواڕاوە. ئۆپراسیۆنی شۆڕشگێڵنی بە تاکتیک و تەکنیکێوە تایبەت بە دەسوەڵێوستەی هێزەکاما دەسشپنەکەرد و سەرەتا جە ئەرەگیرا جە مێڎانوو گەشمەرڎە جەمرەینە دریا. چا گورزە قورسێنە ٢ کۆنتینەرۍ، خێمێوە، سەنگەرێوە دلێنەبریۍ، ١٥ ئەرەگیرۍ سزادریۍ، ٩ ئەرەگیرێچ زامڎارۍ بیۍ. دماو ئا دایۋنەیە گورزەی کاریگەرە جە ئەرەگیرا جە مێڎانوو گەشمەرڎە جەمرەینە شنیا. جە گورزەو قۊڵی یووەم و ئۆپراسیۆنی شۆڕشگێڵنینە ٢ ئەرەگیرۍ سزادریۍ، ئەرەگیرێوە زامڎار بی، ٢ سەنگەرۍ و چەکێوە نارنجۆکشانی زنجیردار دلێنەبریۍ.

جە چوار قۆڵێوە گورزەی قورسە شنیا

جە مێڎانوو گەشمەرڎە جەسورینە جە ٤ قۆڵێوە گورزەی کاریگەرە جە ئەرەگیرا شنیا. چا بەگرڎیی ٢٤ ئەرەگیرۍ سزادریۍ، ئەرەگیرێوەیچ زامڎار بی. هێزەکاو ئۆپراسیۆنی شۆڕشگێڵنی لووۍ سەروو جەنازەو ٧ ئەرەگیرا و دەسشا سەروو بۆمبشانێوە بی ٧، چەکێوە نیم ئۆتۆماتیک، زنجیری و ١٥٠ گولۍ، دوربینێوە رۆی، ئامێرێوە دەسنیشانکەردەی، سیستمێوە دەنگ، دەسکێشێوە، ٢ باتریۍ تەرمالۍ، ئاداپتۆرێوە و دووۍ کامێرۍ. هێزە پرۆفیشناڵەکۍ گەریلای دەسشا سەروو چەکێوە بۆمبشانی بی ٧یرەگێرت و ئا چەکەشا جە دژوو ئەرەگیرا بەکارئارد. بە رۆکێتی بی ٧ گورزە جە زرێپۆشێوە ئەرەگیرا شنیا.

بە چەکی سوک و نیم ئۆتۆماتیک جە ئەرەگیرا دریا جە مێڎانوو گەشمەرڎە پیردۆغانینە. جە ئاکامەنە کامێرێوە موبیس و یەرۍ بلۊجکتەرۍ دلێنەبریۍ.

هێزەکاو ئۆپراسیۆنی شۆڕشگێڵنی گورزەی بەقوەتەشا چا ئەرەگیرا شانا کە گەرەکشا بۍ بە ترۊمبێلێوە زرێپۆش دەسوەردای جە مێڎانوو چالاکیەکەینە کەرا. ترۊمبێلە زرێپۆشەکۍ دماو ئا گورزۍ کە ۋەرشا کۆتە ناچارۍ بیۍ کیشیاوە.

٤١ سەروازۍ تورکی ئەرەگیری سزادریۍ

جە ئۆپراسیۆنە شۆڕشگێڵنیەکەنە بە گرڎیی ٤١ ئەرەگیرۍ سزادریۍ، ١١ ئەرەگیرێچ زامڎارۍ بیۍ. لووۍ سەروو جەنازەو ٧ ئەرەگیرا و دەسشا سەروو بۆمبشانێوە بی ٧، چەکێوە نیم ئۆتۆماتیک، زنجیر و ١٥٠ گولۍ، دوربینێوە ڕۊی، ئامێرێوە دەسنیشانکەردەی، سیستمێوە دەنگی، دەستکێشۍ، ٢ باتریۍ تەرمالۍ، ئاداپتۆرێوە و ٢ کامێرارە گێرت. نارنجۆکشانێوە زنجیردار، چەکێوە کەسی ئێم پی تی- ٥٥، ٧ کامێرۍ، ١٢ کامێرۍ مۆبیسۍ، ٨ بلۊجکتەرۍ، ٧ سەنگەرۍ، ٣ کۆنتینەرۍ، ٢ خێمۍ و رادارێوە دلێنەبریۍ.

هامڕێما ئەکین و جانشێر کە چا ئۆپراسیۆنە شۆڕشگێڵنیەنە بە گیانوو نەورۆزی لووۍ سەروو دوژمنی و بە قارەمانێتیەوە جەنگشا کەرد، گەشمەرڎۍ بیۍ. زانیاری فراوان سەروو ئشناسنامەو هامڕا گەشمەرڎەکاما دماتەر پۍ گەلە وڵاتپارێزەکەیما و رای گرڎیی وەڵا کریۊوە".