هێزە ئەمنییەکاو دەوڵەتوو تورکی جە چوارچوەو ئەوەکۊڵیاێنە داواکاری گرڎینوو ئیستەنبوڵی جە هەشت شارێنە ورشا کوان سەروو چنڎین شۊنا و ژمارێوە فرێشا جە ئەنداماو حیزبوو سۊسیالیستوو بندەسان (ئەسەپە)، ئەنجوومەکاو ژەناو سۊسیالیستی (سەکەمە) ئاژانسوو هەواڵوو ئەتکین (ETHA)ی و فیدراسیۊنوو کۊمەڵەکاو گەنجاو سۊسیالیستى شۊڕشگێڵنی (SGDF) گیریۍ. هامسەرۊکوو ئەسەپەی شاهین توموکلو، سەرنویسەروو ئاژانسوو هەواڵوو ئەتکین (ETHA)ی نادیە گوربوزە و پاڵێویایەکاو پارتوو چەپی سەوزی ئینۍ دلۍ گیریایەکانە.

نویسگەو یاساو چەوسیایۊکا جە هەژماروو وێشنە تویتەرنە وەڵاش کەرڎۊ، "ئانەما پەی ڕۊشن بییۊ جە چوارچوەو ئەنەکۊڵیایێنە داواکاری گرڎینوو ئیستەنبوڵی،  ژمارێوە فرە جە موەکیلەکاما جە ئەسەپە و سەکەمە و  ETHA و SGDF جە ئۊپەراسیۊنوو پۊلیسینە، یانەکاشانە گیریێنۍ.قەراری نهێنی و ڕاگێریکەرڎەی جە پارێزنەرا پەی دۊسیەکەی بەر کریان".

هامسەرۊکوو ئەسەپەی "شاهین توموکلو" سەرنویسەرەو ETHA نادیە نامۊگلو گوربوزە، ئەنداموو ئەنجوومەنوو ئەسەپەی ئوگور ئۊک، پاڵێویاو پارتوو چەپی سەوزی پەی پەرلەمانی ئیستەنبوڵنە بورجو ئای یڵدز، پاڵێویاو پارتوو چەپی سەوزی ئیزمیرنە پەی پەرلەمانی مریەم یڵدرمە، پاڵێویاو پارتوو چەپی سەوزی پەی پەرلەمانی جە ئەسکی شەهیرنە موسلم کۊیون، ڕۊنامەنویس سەرداڵ ئیشک، ئینجا لەیلا جانە، سەدرەدین پۊلات، سەلفیناز گۊچمەن، حەسەن پۊڵات، سینەم چەلەبی، کالیندەر پۊڵات، مروە  هاڤالی، بەدران چۊگالتای، عەدنان ئۊزجان، ئەبرار ئوز، ف دەنیز کان پۊڵات، تۊنجای یڵدرم ئۊزەن ئینۍ دلۍ ئانیشانە کە گیریێنۍ.

س.ز