ئەردۊغان بە بەھانۍ "سوکایەتی" شەکواش جە دژو زارۊڵېوە عمر ١٣ ساڵانی تۊمارە کەرڎ!
ڕەجەب تەیب ئەردۊغان سەرۊک کۊمارو تورکیای بە بەھانۍ "سوکایەتی" شەکواش جە دژوو زارۊڵېوە عمر ١٣ ساڵانی تۊمارە کەرڎ.
ڕەجەب تەیب ئەردۊغان سەرۊک کۊمارو تورکیای بە بەھانۍ "سوکایەتی" شەکواش جە دژوو زارۊڵېوە عمر ١٣ ساڵانی تۊمارە کەرڎ.
ناۋەنڎو یاونەری سەرۊک کۊماری ئشناسیا بە (CÎMER) جە ئیستەنبول بە بەھانۍ ئانەی "سوکایەتیش بە سەرۊک کۊماری کەرڎەن" شەکواش سەرو زارۊڵېوە عمر ١٣ ساڵانی تۊمار کەرڎەن.
داواکارو شەکواکۍ بانگەشەو ئانەی کەرۊ، کە زارۊڵەکە "ھجومش کەرڎەن سەرو شکۊو، شەرەف و ڕێزو سەرۊک کۊماری."
بەپاو هەواڵەکەو "بیرگون"ی؛ جە دژوو زارۊڵېوە عمر ١٣ ساڵی بە نامۍ ب. ج.گ، ۋنەکۊڵیای سەرو "سووکایەتیکەرڎەی بە سەرۊک کۊماری" ملۊڕاوە و داواکاری گرڎیچ شەکواکېش تەمام کەرڎېنە جە دژو ئا زارۊڵەیە.
داڎگاو زارۊڵا غازی عوسمان پاشای دماو ئانەی شەکواکېش پۍ ملۊ، شەکواکۍ و تۊمەتەکېش جە دژوو زارۊڵەکەی قبوڵ کەرڎەن و دەسشکەرڎەن بە کەرڎەیۊ دۊسیەی جە دژوو ئا زارۊڵەیە.
ھ.ش
