جە ئەرەیاۋناو ناوەنڎو یاۋنەری و چاپەمەنی هەپەگەینە ئامان: "هجومەکۍ سوپاو تورکی ئەرەگیری پۍ سەرو هەرێمەکا پارېزناو مەدیای وەردەوامېنۍ. جە ئاکامو ئا هجومانە جەنگ ئامان ئاراوە و هێزەکېما پۍ ئانەی ۋېشا پارېزنا وەرپەرچشا دېنېوە. سوپاو تورکی ١٠ جارۍ بە فڕۊکەی جەنگی، ٤٤ جارېچ بە کاتیوشا و تانک بۊمبۋارانو هەرێمەکا پارېزناو مەدیایشا کەرڎەن. هاموەخت حۊل مڎۊ کە بە حەفارە سەنگەرەکا مدرامانیما وڕنۊنە و جە مېڎانەکەنە سەنگەر بڎۊ وەنە. هێزەکېما کوڕانە ۋنەشا ئامېوە دەسۍ و چا جەنگەنە ٥ ئەرەگیرۍ سزادریۍ.

جە درێژەو یاۋنەریەکەینە جەبارەو هجومەکاوە زانیاری وەرفراوان وزیان ڕووە. جە یاۋنەریەکەنە ئامان:

"جە وەرنیشتوو زاپی؛

'٣٠ی ئایارینە سەعاڎ ١٣:٣٠ دەیەقۍ ئەرەگیرەکۍ هجومشا کەرڎ سەرو هێزەکاما جە مېڎانو مدرامانو کەشو ئێف ئێمی و حۊلشادا چنەشەنە یاگەگیرۍ با. هێزەکېما کوڕانە ۋنەشا ئامېوە دەسۍ و ڕاشا نەڎا ئەرەگیرەکۍ ئا حۊلەشا سەرگېرۊ بلا دلۍ سەنگەرەکاوە. سەعاڎ ١٦:٤٠ دەیەقۍ ئەرەگیرەکۍ جارێوەتەر دەسشا بە جمای کەرڎۊ و هجومشا ئەنجامدا. هێزەکېما هەمڎیسان وەرپەرچشا دېوە.

٣١و ئایاری سەعاڎ ١٢:١٥ دەیەقۍ ئەرەگیرەکۍ هجومشا کەرڎ سەرو هێزەکاما جە مېڎانو مدرامانو کەشو ئێف ئێمی و حۊلشادا بلانۍ دلۍ سەنگەرەکاوە. هێزەکېما کوڕانە وەرپەرچشا دېوە. دماتەر سوپاو تورکی ئەرەگیری بۊمبۋارانو مېڎانو مدرامانیش کەرڎ.

هەرێمو ئاڤاشینی؛

٣٠ی ئایارینە سەعاڎ ٠٨:٠٠ ئەرەگیرەکۍ جە مېڎانو مدرامانو وەرخەلۍ کۊتۍ جموجوڵ و هجومشا کەرڎ سەرو هێزەکاما. هێزەکېما پۍ ئانەی ۋېشا پارېزنا وەرپەرچشا دېوە و جە ئاکامەنە ٥ ئەرەگیرۍ سزادریۍ.

هجومەکۍ سوپاو تورکی ئەرەگیری؛

٣٠ی ئایاری جە مەتینانە مېڎانەکۍ کەشو چارچەلی و دەگاو شێلازێ ٢ جارۍ، جە وەرنیشتوو زاپی مېڎانەکۍ کەشو وەهاری، کەشو جودی و کەشو ئامێدی ٧ جارۍ، جە گارە کەشو زەنگیلی جارېوە واتە بە گرڎی ١٠ جارۍ ئا یاگۍ بە فرۊکەی جەنگی بۊمبۋاران کریۍ.

٣٠ و ٣١و ئایاری جە وەرنیشتوو زاپیەنە مېڎانەکۍ مدرامانو کەشو ئێف ئێمی و کەشو جودی، جە وەرکەوتوو زاپینە سەنگەرەکۍ مدرامانیما جە سیدا ٤٤ جارۍ بە کاتیوشا و تانک بۊمبۋاران کریۍ.

سوپاو تورکی ئەرەگیری ٣٠ و ٣١و ئایاری هجومش کەرڎ سەرو سەنگەرەکاما جە مېڎانو مدرامانو کەشو ئێف ئێمی و حۊلشادا بە حەفارە سەنگەرەکا وڕنا.

سوپاو تورکی ئەرەگیری ٣٠ و ٣١و ئایاری هجومش کەرڎ سەرو سەنگەرەکا مدرامانیما جە چەمچۊ و بە چەکی سوک و قورس بۊمبۋارانشا کەرڎۍ و حۊلشادا وڕناشا".

هـ . ش