ئەرەیاونایەکەی پێسنەن:

هامڕێما "کەمال هەورامی و تێکۊشەر چەلچەمە" جە١١ و کانوونوو دووەموو ٢٠٢٣ێنە وەختێوە خەریکۍ هەرمانەو وێشا بێنۍ، بڕۍ جاشۍ خیانەتکارۍ کە دوژمنۍ وەڵاتوو وێشانۍ، هامکاریی دوژمنی ئەرەگیریشا کەرد پیلانیشا دژوو هامڕایاماوە گێڵنا. جە ئەنجاموو ئا پیلانێنە هامڕێما "کەمال هەورامی و تێکۊشەر چلچەمە" کە سەروو هەرمانەو وێشاوە بێنۍ، ڕووبەڕووۍ هجوومێوە بیێوە و گەشمەرڎۍ بیۍ. بۊنەو بارودۊخوو زمسانی و فرسەتوو ورگێرتەی زانیاریوە، دێر زانیاریەکێما یاوۍ پەنە و ئەرەیاونای ئشناسنامەو ئا گەشمەرڎە شکۊدارا دما کەوت. پەوکای ئێمە وەڵێنە داواوچەنەویەرڎەی جە بنەیانەکەیشا و گەلەکەیما کەرمۍ. کە پێسە یەرەکەی بە گەشمەرڎەبییەیشا فرە غەمگینۍ بییەیمۍ. تووڕەیی و نەعلەتەما جە دژوو ئا خیانەتکارا زیادتەر کەرمۍ، کە هامکاریی دوژمنا کەرا. قەرارەکاما پەی گەشمەرڎا دووەبارە کەرمێوە. هەقە چا خائینا کەرمێوە کە دەسشا بە ونەو هامڕایاما سوورەنە.

ئشناسنامەو گەشمەرڎا پێسنەن:

نامۍ و دمانامێ: بابەک رەحمەتی

ئشناسنامێ: کەمال هەورامی

یاگۍ و تاریخوو بەشداریکەرڎەی: هەورامان ٢٧-٤-٢٠١٦

یاگۍ و وەختوو گەشمەرڎەبییەی: موکریان ١١-١-٢٠٢٣

*****

نامۍ و دمانامێ: سینا مورادی

ئشناسنامێ: تێکۊشەر چەلچەمە

یاگۍ و تاریخوو بەشداریکەرڎەی: چەلچەمە ٢٩-٩-٢٠١٧

یاگۍ و تاریخوو گەشمەرڎەبییەی: موکریان ١١-١-٢٠٢٣

بارەو هامڕایاماوە...

هەڤاڵ کەمال هەورامی دلۍ کولتوور و تاریخی دۊڵەمەند و دێرینیوو هەورامانینە پەیدا بییەن و سەروو ئی بناغەیۊ گەورە بی و وەڵۍ کەوت. کولتووری هەورامی کە جە ئاستێوە باڵانە جەوهەروو وێش جە ئینسانیەتیوە ورگێرتەن بە شکڵێوە فرە وەرەچەم کەسایەتیی هامڕا کەمال-یش وەش کەرڎەبۍ کە بۊ بە کەسایەتیێوە سەرمەشقوو گلێرگەی. هامڕا کەمال سەروو ئەم ڕاسییە گەورە بی و گرد وەختێوە وێش وەرانوەروو وێشنە بە وەرپەرس وینۍ. بەتایبەتی وەختۍ بۊنەو هەرمانکەرڎەیۊ ڕووەش جە غەریبیی کەرڎە. هەرمانەش کەرڎە و زیادتەر یاوانە و جە ڕاسیی گلێرگەی و ڕاسیی دوژمنی خاستەر یاوانە و بەئاشکرایی دیش، کە تا کۊشایۍ، جەنگێوە نەکریۊ، نە ئەرەگیری کوردساننە و نە نادادپەروەری جیهاننە دلێنە مەشا. ئا وەختە قەرارە ئاڵتوونییەکەی مدۊ و بەشداری جە ڕیزەکاو ئاپۊینە کەرۊ. هامڕا کەمال جە ئەوەڵوو بەشداریکەرڎەیۊ و تا گەشمەرڎەبییەیش، بە زانست، بە یارای شۊڕشش کەرد و گرد وەختێوە حەوڵێش دۍ، کە جە ئاستوو میلیتانیی ئاپۊیینە بەرەو وەڵۍ بلۊ و بۊ بە یۊ جە نوێنەراو فەلسەفەی ئاپۊیی. جە گرد وەخت و شۊنێنە بەفیداکاری خەباتش کەرد و بە ڕۊحوو وێبەختکەرڎەیۊ کۊشیا و گرد وەختێش جە چالاکی و پراکتیکیی سەختنە یاگۍ وێش گێرتەش. پەوکای جە کۊشیای وەرکەوتوو کوردسانی و ئێرانینە یاوا پەنە، وێش گەورە کەرد و بی بە یۊ جە فەرماندەکاو  ئی جەنگی و بی بە قارەمانێوە کە ڕاو هامڕایاش و گلێرگەکەیش ڕۊشنە کەرڎۊ.

هامڕا "تێکۊشەر چلچەمە" دلۍ بنەیانیوەنە، کە وەڵاتپارێزنییەکەیش ئندە بەهێزا و کرێڵوو کولتوری کورڎی گرد وەختێوە بەزیندەیی مازۊوە پەیدا بییەن، سەروو ئی کولتوورە دۊڵەمەندەیۊ گەورە بییەن و وەڵۍ کەوتەن. حەر جە زارۊڵەییوە جە راسیی کوردسانی یاوانەنە، کە جە چوارلاوە گیریان و گرد وەختێوە، ڕووبەڕوو کۊکوشیی بۊوە. پەوکای خاس زاناش، کە تاکە کۊشیای هەقەتین،کۊشیای ئازادیی تەڤگەروو ئازادیی کورڎی و ویر و فەلسەفەو ڕابەر ئاپۊین، کە سات بەسات کۊشیای گەورەتەر بۊ. دەسکەوت بەدەس مارۊ و جەنگوو وێش وەرانوەروو ئی دەسەڵات و سیستمەینە گەورەتەر کەرۊ. هامڕا تێکۊشەر دلۍ خەباتینە بەئاکتیفی یاگۍ وێش گێرتە و بی بە سەرمەشق. بە شۊڕشگێڵنیی وێش بی بە یۊ جە میلیتانەکاو خەتۍ ئاپۊییۍ. بە هامڕایەتیی قووڵ و مانادار، یاگۍ وێش دلۍ دڵوو گرڎوو هامڕایانە کەرڎۊ. بە کەسایەتیی هەمەلایەنەو وێش، نوێنەرایەتیی گەریلای مۊدێرنیتەی دیموکراتییش کەرد و پەی هامڕایاش بی بە نموونە."

س.ز