ئێشکگیریی داڎپەروەری بە داواو ئازادیی ڕابەروو گەلوو کوردی عەبدوڵا ئۆجالانی و چارەسەری سیاسیی پەرسەو کوردی، چند شارێوەنە بەرڎەواما. 

ئامەد

ئێشکگێری داڎپەروەری بە داواو ئازادیی ڕابەروو گەلوو کوردی عەبدوڵا ئۆجالانی و چارەسەری سیاسیی پەرسەو کوردی بە سەرمەشقایەتیی کۆمەڵەو هامکاریی بنەیانەو زینڎانییا (توای دەر) بیناو پارتوو هەرێمە دیموکراتیکەکانە ئامەدنە ٩٨ ڕۆوێن بەرڎەواما. چالاکێ هێلەکێ  "گۆشەگیری تاوانێوە ئینسانیەتین "یشا پۆشا.

هەرپاسە  پانکارتوو "پەی ژیواێوە ئازادی گۆشەگیریی ماڕمێ و بیمێ بە دەنگوو زینڎانەکا" ورواسیا و "درووشموو بژیوۆ مدرامانوو زینڎانەکا" بەرز کریاوە.

ئێلح

ئێلحنە چالاکییەکە بە سەرمەشقایەتیی (توای دەر)ی بیناو ڕێکوستەی دەبەپەینە، ٤٠ ڕوێن بەرڎەواما.

ئا کەسێ سەرێ  چالاکییەکەیشا دا، باسشا جە گرنگیی یۆبییەی نەتەوەیی کەرد و داواسا کەرڎە پەی گەورەکەرڎەی کۆشیای، پەی ماڕای گۆشەگیری.

 چالاکییەکەنە بە درووشموو "بێ سەرۆکی ژیوای مەبۆ" و "بژیوۆ مدرامانوو زینڎانی" و " ژەنی، ژیوای، ئازادی" بەرزێ کریێوە.

وان

ئێشکگێریی داڎپەروەری بە داواو ئازادیی ڕابەروو گەلوو کوردی عەبدوڵا ئۆجالانی و چارەسەری سیاسیی پەرسەو کوردی بە سەرمەشقایەتیی کۆمەڵەو هامکاریی بنەیانەو زینڎانییا (توای دەر)ی بیناو دەبەپەینە واننە وان ٩٥ ڕوێن بەرڎەواما.

 چالاکییەکەنە پەرلەمانتارەو دەم پارتیی وانی، گوڵجان کاچماز سایگیتە واتش تاکە ناموونیشانوو چارەسەروو پەرسە جڤاکییەکا دوورگەو ئیمراڵیین، تیشکەش وستە سەروو گۆشەگیریی درێژخواینوو ئیمراڵی و واتش: "ئەدێما تا چی گۆشەگیرییە زینڎانەکانە و سەروو بەڕێز ئۆجالانی ورگیریۆ و پەرسەوکوردی چارەسەرە بۆ، کۆشیا. پێویسا داواو دماییئارڎەی بە جەنگی و داواو چالاکیی مانگێرتەی جە وارڎەی بیاونا یاگێ. چارەسەروو ئی پەرسا بەڕێز ئۆجالانا. پێویسا گۆشەگیری دماییش پەنە بێ و کوردسانەنە و تورکیانە ژیوایوە ئازاد بێ دی."

کاندیدەو شارەوانیی دەم پارتیی توشبای، خانم ئاکۆشە واتش: "گۆشەگیری تەنیا سەروو بەڕێز ئۆجالانیوە نیا، سەروو گردوو گەلوو کوردیوە هەن، گۆشەگیری یاوان یانەکاما. بە ورگێرتەی گۆشەگیری سەروو بەڕێز ئۆجالانی، گۆشەگیریی سەروو گردلاێوە ورگێریۆ، پەوکای کرێڵوو جارەسەری ئینا ئیمراڵیینە".

مێردین

ئێشکگێریی داڎپەروەری بنەیانەو زینڎانییا و ئەدایاو ئاشتی بیناو دەبەپەو شارەکەینە بەرڎەواما و ئارۆ بنەیانەکێ نسێبینۆ ئێشکگرییەکەشا ورگێرت.

لە چالاکییەکەدا گفتوگۆ لەسەر ڕۆژەڤەکان کرا و پەروەرڎەی زمانی کوردی بەرڎەوام بوو، درووشمەکانی "بژی سەرۆک ئاپۆ" و "بژی بەرخۆدانی زینڎان" بەرزکرانەوە.

پەرلەمانتارەو ڕحا، مەدحەت سانجارە سەرێ چالاکییەکەیش دا، ئەداو ئاشتی عایشە ساشمازە واتش:  چێگەوە تا ئیمراڵی سڵام پەی سەرۆک ئاپۆی و زینڎانییا کیانمێ. سڵام وەنەو کوڕا و کناچاو کەشەکاو کوردستانی کەرمێ و سەرەو ڕێزیشا پەی کۆمنمێرە".

مەدحەت سانجاریچ واتش: "پێویسا گۆشەگیری ورگیریۆ، مزانمی هەروەخت بەرەو ئیمڕاڵی کریۆوە بەرەو ئاشتییچ کریۆوە. ئێمە ئاشتیی موازمێ، شمە ئەدایاو ئاشتیندێ. ئێمە مزانمێ ئاشتیی بە دەسوو ئەدایا مێ. تا بەدیئارڎەی ئاشتی و دیموکراسی، درێژە بە کۆشیای مدەیمێ".

ئەزمیر

چالاکییەکەو ئەزمیری بە سەرمەشقایەتیی کۆمەڵەو پەشتیوانیی بنەیانەو زینڎاییا و حکومدریایا ئەگێ، ٣٧ ڕوێن بەرڎەواما. یوە جە ئەداو زینڎانییا، سوڵتان یاگمەکانە ناڕەزایەتییش وەراوەروو سی پی تی-یوە بەروست کە ئاما+ کە ئاما تورکیا و سەرێ ئیمراڵییش نەدا، ئەرەیاوناش دۆخوو ڕابەروو گەلوو کوردی عەبدوڵا ئۆجالانی مایێ نیگەرانیین، هەرپاسە تیشکەش وستە سەروو چالاکیی مانگێرتەی جە وارڎەی زینڎانییا و واتش: "تا ناداڎی بەرڎەوام بۆ، ڕۆڵەکێما زینڎاننە و ئێمە بەرۆ کۆشیییەیمێ. داواو داڎپەروەری و ئاشتی کەروو پەی ئی وەڵاتەیە".