ئێشکگیریی بەنداو تشرینی ١٩ ڕوێن بەردەواما
جە دژو هرووژمەکا دۆڵەتو تورکی ئەرەگیری ئیشکگیریی مڏرامنو بەنداوو تشرینی ١٩ ڕوێن بێ مردای بەردەواما.
هیزی شارو کۆبانێنە بە سەدان کەسێ بەرەو بەنداو تشرینی کەوتێ ڕا و بەشداری چالاکی پارێزناو بەنداوەکەی بیێ جە هرووژمەکا دۆڵەتو ئەرەگیرو تورکی و چەتەکانە.
سەرسەعبو ئارۆی چالاکەوانێ دەسشا بە پاککەردەیۆ بەنداوەکەی کەرد، جەماوەرێ ئاماژەشا پانەیە کەرد جە چالاکی پارێزناو بەنداوەکەینە جە دژو هرووژمو دۆڵەتو تورکی ئەرەگیری و چەتەکاش بەردەوامێنێ. هەرپاسە ئاماژەشا پانەیە کەرد کە مۆڕاڵو وێشا جە سەرکۆتەی مڏرامنو کۆبانێ جە وەراوەرو چەتەکا داعشی هورگێرانە.
جەماوەرا ئاماژەشا پانەیە کەرد کە هەرچنە هرووژمەکێ چڕ وبەردەامێ بانە بەنداوەکەنە بەنداوەکەی جیانمازمێ. ئەکیدشا کەردۆ پارێزناو بەنداوەکەی دەسکەوتو گەلو سوووریاین و ئەرکێوە نیشتیمانییا پارێزیۆنە.
جەماوەر ئەرەیاوناش: "جێگەنە پەی ئانەی پەی دۆڵەتو تورکی ئەرەگیریس سەلەمنمێ کە خاوەنو ئی خاکەینمێ و هرووژمەکێ هەر چنەقورسێ بانە خاکەیما جیا نمازمێنە. بەنداوەکەیما پارێزنمێ و جە ئەوەکۆشاینە بەردەوامێ بیمێ تاوەکو هەرێمەکا رزگار مکەرمێ
هرووژمەکێ ئەرەگیرا و قڕکەردەی دۆڵەتو تورکی ئەرەگیری سەرو بەنداو تشرینی بەردەواما. گەلوو سەرنیشتوو و وەرکەوتوو سووریایی ئینە ١٩ ڕوێن ئێشكگیری پارێزناو بەنداوەکەی گێرانە.
