ئەندامو کۆمیتەو ڕاوەبەری پەکەکەی دوران کاڵکان جە میانو 'بەرنامەی تایبەت'ی کەناڵو مەدیا خەبەرینە باسش چانەیە کەرد بە ئامادەکاری، پلانسازی و پاگیری قەوەتتەر دەس بە ساڵەو ٤٧ەمینو ئەرەمەزنایرەو جمیەرو پەکەکەی مکەرمێنە. هۆرسەنگنای دوران کاڵکانی پی جۆرەن:

سڵامەکەو ڕابەر ئاپۆیما پنەیاوا. بە تامەزرۆیۍ قووڵۆ  رێزو سڵامش ئاراسە مکەرمێنە. ئێمە پاوزمۍ ٤٧ەمین ساڵەو ئەرەمەزنارەو پەکەکەی. جەژنەو پارتەکەیما جە ڕابەر ئاپۆی موبارەک مکەرو. جە ساڵەو ٤٧ەمینینە سەرو هێڵەو ڕابەرایەتی و پارتەکەیما ئێمە بە شێوێ بەهېزتەر جەنگ مکەرمێ و سەرکۆتەی گەورە بەدەس مارمێ.

جە ٢٣ې ئۆکتۆبەرینە عومەر ئۆجالان برازاو ڕابەر ئاپۆی دیدارش چنی ئەنجامدا. ڕابەرایەتی چاکە بە رۆشنی باسش جە دۆخو وێش کەردەن. واتش، ' یووەم گۆشەگیرم بەردەواما، دووێ؛ ئەر هەلومەرج برەخسنریۆ ئا هېزمە هەن کە جە چارەسەرو پرسو کوردی و دیموکراتینە دەورم وێم گێڵنو؛. هێزە شۆڕشگێڵنو، دیموکراتیک، وڵاتپارێزنەکا سەرو ئانەیە گفتوگۆشا کەرد و بەردەوامێنێ و هەوڵ مڎا بیاوانە. بەڵام بەعزێ لایەنۍ زیاتەر سەرقاڵو ئانەینۍ بە شێوی نەرێنی خەریکو قسە و قسەڵۆکی وچەواشەکارینێ.

فاشیزمو ئاکەپە-مەهەپەی یاوان بە بنبەس

ئەرەکۆشای بەرەو وەڵێ لوان و ئاستو جەنگی جەهانی کە سەرو ئاستی مییاننەتەوەیی ملۆڕاوە، دۆڵەتو تورکی، فاشیزمو ئاکەپە-مەهەپەیش بە راسی تەنگەتاو کەردێنێ، ئاردێنێش لێوارو وڕای. جە سەرەتاوە ئی سیاسەتە کۆلۆنیالیستە و قڕکارییە جە دژو کوردا کە دۆڵەت ئامادەش کەردەن، جە بنەڕەتەنە ئا کارەساتە جەلایەن و دیکتاتۆرو فاشیستی ئاکەپە-مەهەپەی ئامادەکریان. فرەو جاری ئاگاییما دان و واتما، "شمە تورکیای وزدۍ دلێ کارەساتی'. وەڵێ ئێمەنە، ڕابەر ئاپۆ جە پارێزنامەکاشەنە ئانەش وستەن ڕووە و هوشیاریشدان. بەڵام گۆششا چنە نەگێرت، گەرەکشا نەبێ گۆش گێراو بیاوانە. بەڵام کاتێ وەرەوڕو حەقەتینی بیێوە، کەوتێ شڵەژیای و تەرسێ و جە سەرەتاو ئۆکتۆبەریۆ ماچا، 'برایەتی کورد و تورکی، ئێمە یۆگێرمێ، یۆبییەی نەتەوەیی پەنەوازا. ئیسرائیل هجوم مکەرۆ سەرما، حیچ نەبۆ با ئۆجالان بێ پەرلەمان قسێ بکەرۆنە، با وتارە دۆنە و ئەرەیاونۆش کە رێکوزیاکەیش هۆرشانۆوە'.

ئەرەیاونای تورکی ناوەندێوە پرۆپاگەندەی و جەنگی تایبەتی، رێکوزتەی جەنگی دەرونییا. مەیا و گرد چێوێ ماچا، چێش مێ دەمشارە ماچاش. قسێوە هەنە، ماچۆ 'زوان ئێسکش نییا'. سەرو ئا بنەمایۍ چێش دەمشارە بێ ماچاش. هەوڵ مڎا با جۆرە باس جە ڕابە ئاپۆی بکەرا. ئاشکرا بیی کە ئامادەکاریشا نییا. تەنیا دماو ئانەی مەترسییشا وینا کەوتێ شلەژیای و دڵەکوتێ و بەعزێ بانگەشەشا کەرد، هەوڵ مڎا رۆژەڤەکەی هۆرگێڵناوە و پێچەوانەش بکەراوە. گەرەکشانە رای گردی غەڵەتەرە بەرا.

هەڵمەتەو ئازادیی مییاننەتەوەییما کە ئامانجەکەش ئازادیی جەسەیی ڕابەر ئاپۆین بە راسی فشارش وستەن سەرو ئاڎیشا. سیستمو قڕکەردەی و ئەشکەنجەی جە ئیمراڵینە بییەن بە مایۍ ئانەی کە فرە شەرمەزارێ با. جە چوار لاو جەهانینە شەرمەزار کریێ. ئیتر گرد ئانەیە مزانا. سیاسەتمەدارێ، مافشناسێ، هونەرمەندێ، ژەنی، جوانێ، ئەکادیمیێ، لایەنە رۆشنۋیرییەکۍ، گلێرگە، خەڵکو سەرو جادەی... حیچ کەسێ ئانەی بە یاسایی و ئەخلاقی مەوینۆ. گرد ماچا مشۆم دەمودەس ئازاد کریۆنە. فشارێ فرە جدی ئینا ئارانە پا ئاراستە. دیارا پەی سووککەردەو ئا بارەیە، گەرەکشا بێ ئاستو چالاکییەکا سووک بکەرانە. پێسەو ئانەی ماچا، 'ئێمە بەعزێ گفتوگۆ مکەرمێنە. چن قسێوە مکەرمێنە. چەمەڕایی خوڵقنمێ، رۆژەڤی هۆرگێڵناوە و بە پاو وێشا رۆژەڤ متاشارە. کەواتە هەر حیچ نەبۆ تۆزێ گۆش داردۍ، چالاکییەکا لاوازۍ بکەردێ و جە ۋەرو یۆیشا هۆرشێوندۍ'. جە یۆدایۆیشا پی جۆرەبێ.

چالاکی توساشی کەمامەکێش هۆرماڵێ

بەڵێ کەمامەکێشا زوو کەوتێرە واری. بەڕاسی چالاکییەکەو هەمڕا ئاسیا و ڕۆژگەری گرد چێوێش ڕۆشنکەردۆ. کەمامەکێشا هۆرماڵێ. حەقیقەتش بە ڕۆشنی نیشانەدێ. پۆکەی چی بابەتەنە ڕاسەوخۆ ماچو. با گەل و دۆسەکێما گۆشا چنە نەگێرا و پەشگۆشش وزا. حیچ مانا و قیمەتێشا نیا. بڕیێنێرە جە حەقیقەتی. پێوەس بە ئێمە، پێوەس بە پەکەکەی فرە چێوی ماچا. گردش بێ بنەما و دروێنێ. بە ڕۆشنی ماچو. ئانەی ماچاش ڕاس نیا. وەرو ئانەی پەی مرۆڤی ڕۆشنبیەنۆ، ماچا دەربارەو پەکەکەی زانیاری کەم هەن، ئێمە چێش کەرمێنە، چل جارێ واوەیش بکەرمێوە ئینجا باوەڕمکەردێ.

پۆکەی پەنەوازا مرۆڤ گۆششا چنە نەگێرۆ. ڕابەر ئاپۆ ئی چێوەش وات. ئەرەکۆشای بەردەواما. ئینە ماناو چیشی میاونۆ؟ مشۆم ئەرەکۆشای جە دژو گۆشەگیری بەردەوام بۆ. واتش، بارودۆخەکەی بسازنا من دەور وێم گێڵنو. چا کاتەنە بارودۆخ بەچێش ڕەخسیۆنە؟ بە ئەرەکۆشای. ئەرک گنۆ سەرو شاناو گردیما و مشۆم زیاتەر کۆشش بکەرمۍ.

مشۆم گەریلا زیاتەر کۆشش بکەرۆ، ژەنێ، جوانێ گەلەکەیما. ئانێ کە بڕێ پرسیارێ  ئینێ مەژکشانە مشۆم پی جۆرە حەقەتینەکا بوینا. گەلەکەما جە ١٦و نۆوەمبەرینە جارێوە تەر هەڵوێسو وێشا نیشانەدا. جە ١٧و شوباتیچەنە نیشانەشا دابی، ئاستو هەڵمەتەو مېیاننەتەوەیش دیاریکەردەبێ. ئاستو جەماوەریش دەسپنەکەردەبێ. گەلو کوردی و دۆسا جە بەرو وڵاتی ئانێ ئی هەڵمەتێشا ڕوابەردێ، بە ئاشکرا ویستو وێشا پەی ئازادی جەسەیی ڕابەر ئاپۆی بەربڕی. جە ئیسەیچەنە هەمان چێوا.

جە گردو کوردەسانینە گەل و جوانێما چالاکی ئەنجام مڎا. جە وەرنیشتەنە گەل ئینا سەرو پەیاوە. جە سەرنیشتەنە مڏرامان جە دژو قەیومی بەردەواما.

دۆڵەتو تورکی هجوم مکەرۆ. کۆمکوژی بەردەواما. جە وەرنیشتەنە دارشا سەرو تەونێوە ناستەن. جە ٦و نۆوەمبەرینە جارێوە تەر سزاو ٦ مانگا دیسپلینی بڕیاوە. وەڵێ ئانەی جە ٤و نۆوەمبەرینە سەپناپێشا. ٦مانگێ ویەرد. خەریکا ٦ مانگێ تەریچ ویەرۆنە، جارێوە تەر ئایار مێوە. گردو ئی سزایا بناغێوەشا هەن.

جە لێوە تەرۆ دۆخێوە پاسە گوزەریۆ چەمپنەکەوتەی ڕابەر ئاپۆی چنی پارێزنەرا و بنەیانەکەیش قەدەغەکریۆ. ئۆرگانێ میدیایی هەن کە پێسەو مەکینەی ئینا شۆرتەیۆ ئاوەزینە. گرد پسپۆرۍ جەنگی تایبەتینێ. ئانەی وزیۆ ڕۆژەڤۆ پسپۆرو جەنگی تایبەتین. پۆکەی مەبۆ مرۆڤ گۆشا چنەگێرۆ. حەقەتینەکۍ ڕۆشنێنێ.

کوردەکۍ جوابو سڵامەکەیشا داوە

هەرپاسە چی بابەتەنە بڕێ بێنێ کە گەرەکشا بێ بڕێ چێو بکەرا، تاوێنێ بە ئاسانی بکەراش. گەر بەڕاسی گۆش جە نیگەرانییەکا گیریۆ، گەر بەڕاسی دەسبەردارۍ سیاسەتی و ئاوەزیەتو قڕکەری، ئەرەگیریی و فاشیستی کریۆ. ئەر لایەنگرۍ چارەسەرو پرسو کوردینێ، ئەر دەورو ڕابەر ئاپۆی وەرچەما مگێرا ئاکاتە مشۆم با جۆرە جماوە. ئاکاتە گرد کەسێ وینۆ، هەستش پنەکریۆ و جواب هورگێرۆ. ئا سڵامەی جە کوردا کریا حیچ کاتێ بێ جواب ناستشاوە. جە ئیسەنە نیەنێ جا دۆخەنە کە نەیاوانە.

ئانەی جە ئیسەنە ئەنجام دریۆ ڕۆژەڤی بێ بنەمان کە بە هجوم فاشیستی گەرەکشانە زەمینە خوڵقنا، پی جۆرە ئانەی بە هۆرچنیەی بە دەسشا ناردەن بە دەس سەرەرەگێرتەی فاشیسی هورشگێرا. نمەبۆ گۆش پانیشا دەیمێ و ئەرەکۆشای وێما بەهێز کەرمێنە. قەدەغەو چەمپنەکەوتەی پارێزنەر و بنەیانەیشا سەرو ڕابەر ئاپۆیرە سەپنا. مشۆم قیامەت بەرپا بکەرمێ. جە تەمامو جەهانینە جە چوارچێوەو یاسایینە مشۆم نامزڕێ و رسوابکریا. چێوی پا جۆرە بۆ؟ حیچ پاساوێش نیەنە. حیچ چێوێ بە پارێزنەرا مەواچا. قەدەغەو چەمپنەکەوتەی هەن، جە لاێی تەرۊ جە گفتوگۆکەردەی سەرو فڵان مافی بێ مافی ئەنجام مڎریۆ. حیچ پەیوەندیێش بەڕاسیۆ نیا. گرد گەمێوەن، نمەبۆ مرۆڤ پنەش هۆرخەڵەتیۆ. پێسەو گەلی مشۆم جە هەر چوار پارچەو کوردەسانی و پێسەو دۆساما مشۆم جە بەرو وڵاتینە هەڵمەتەو ئازادی بەهێزتەر بکەرمێنە و گرنگی بە ئەرەکۆشای دەیمێ و وەرفراوانش بکەرمێ. جە گرد یاگێنە چالاکی ئەنجامگیر بکەرمێ. ڕێبازو تازەو چالاکی بارمێنە ئاراوە. ئاکاتە ڕاسیەکێ ئاشکرا بانە، ڕۆشنێ باوە. گەمەکێشا بە ئاسانی تێکێمشا.

زانیاری هۆرگێرتەی جە ڕابەر ئاپۆی مۆراڵا

پەکەکە بە کۆنگرەی یووەمش ٢٦-٢٧و نۆۋەمبەرو ١٩٧٨ بە ڕسمی ئەرەمەرزنای ۋێش ئەرەیاۋنا. جە ئیساتێنە ئینایمۍ ساڵوەگەڕو ٤٦ەمینینە. جە گرڎ یاگێنە مبارەکبایی هەن. بە تایبەتی سڵامەکەو ڕابەر ئاپۆی و زانای دۆخو تەندروسیش پەی گرڎو گەلی بی بە مۆراڵ و جۆشوخرۆش. پۊکەی ئینۍ گرڎ کاریگەری سەرو مبارەکبایی ٢٧و نۆوەمبری منیۆرە.

جە لێوەتەرۆ چالاکییەکۍ ٢٥و نۆوەمبەری ڕۆو ۋەرەنگاربیەیۆ تنوتیژی دژ بە ژەنا ئەنجامدریا و هەن. پەکەکە پارتو ژەنان. جەوهەرو ئەرەکۆشای پەکەکەی ئەرەکۊشای ئازادی ژەنێن. سەرو بنەماو ئازادی ژەنۍ ئەۋەکۆشای خوڵقنای ئازادی کۆمەڵایەتییا. ڕابەر ئاپۆ بە خوڵقنای ژنۆلۆژی بی بە ڕابەرو گرڎیشا. زیاتەر جە ٥٠ ساڵان ژەنی سەرمەشقی مکەرۆ. ئەرەکۆشای یۆگێرتەشا گرڎ ڕووۍ کۆڵانەکا پەڕ مکەرۆ. جە گرڎو کوردەسانی و جەهانینە ئی چالاکییا مکەرا.

وەڵۍ گرڎ چێوێنە گەرەکما سڵام جە چالاکی مبارەکباییەکا پارتەکەیمان بکەرو. جەژنەو ژیۋایۆ، جەژنەو پارتیما جە گرڎو هەمڕایا، گەریلا قارەمانەکا، تەڤگەرو ژەنا و جواناما، گەلی و دۆساما و بەتایبەت جە ڕابەر ئاپۆی مبارەک مکەرو. جە ئەرەکۆشای دیموکراتیکی و ئازادینە جە ساڵۆو ٤٧ەمیینو پەکەکەینە هیواو سەرکۆتەی مووازو. هەرپاسە جە کەسایەتی گەشمەرڎەی گۊرەیما هەمڕا حەقی کارەرینە گرڎو گەشمەرڎا پارتیما حەقی کارەری تا سەرمەشقا گۆرۍ فیدایی ئاسیا عەلیۍ و ڕۆژگەر هێلینی بە حورمەت، وەشەسیای و پنەزانایۆ یاڎۍ مکەرووە. بۆنەو ساڵوەگەڕو ئەرەمەرزنایۆ قەولو ڕێکوستەی ئامانجو گەشمەرڎا واوەی مکەرووە.

پەکەکە ساحیب و تایبەتمەندی جیاوازی و سەربەخۆین

پەنەواز مکەرۆ عال حەقیقەتو پەکەکەی پێناسە بکریۆ و بیاومێشەنە. ئینەیچ بەماناو ئەنەیاواین جە حەقیقەتو ڕابەر ئاپۆی. چی بابەتەنە بڕۍ هەوڵدای هەن. جە حەقەتینەنە ئانەی جە ماوەو ئی ٤٠-٥٠ ساڵانە جە تورکیا و جەهانەنە فرەتەرین گفتوگۆش سەر مکریۆ حەقیقەتو ڕابەر ئاپۆی و پەکەکەن. چی ساڵوەگەڕەنە هەمان ئاژە هەن. وەڵێکۆتەیۍ نیا. جەساڵانی وەڵینیچەنە پەکەکە ئەۋەکۆشایش بەپاو ئینەی ڕاوەبەرکەرڎەن. ئەوەکۆشایۍ بەهێز کە سەختییەکا ماڵۆرە، ڕۆژەڤ دیاری مکەرۆ، سەرو بنەماو ئازادی کوردا دیموکراتیکبیەو تورکیای و ۋەرکۆتوو مېیامینی جە گرڎ مېڎانۍ سیاسینە سەپنۆنە، بە ئازایی و فیداکارییوە ڕاوەبەرش کەرڎەن. ئا گفتوگۆیۍ مکریا نیشاندەرۍ ئینەینۍ. ئەر پی جۆرە نەبیۍ، ئانە ئاڼنە گفتوگۆ جە بارەو پەکەکەیۆ نەکریۍ.

جگە چانەیچ، پێوەس بە پەکەکەیۆ زانیاری غەڵەت وەڵانەکریێوە، بەتایبەت ئا هەرمانۍ نەکریێنۍ کە ۋیرکەردەیۆ گلێرگەی ئاڵۆز بکەرا. ئینە ئەنجامەکۍ ئەرەکۆشای ساڵۊو ٤٦ەمینو پەکەکەین. ئینەیچ ئانەی بەروزۆ کە ئەۋەکۆشای کاریگەری زیاتەر جە گلێرگەو تورکیای مکەرۆ. مشۆم پی جۆرە چنەش بیاومێنە. بەڵێ جە حەقەتینەنە پەکەکە خاوەنو تایبەتمەندی جیاوازی و سەربەخۆیا.

چا سەردەمەنە هیچ هەنگامێوە ڕابەرایەتی پېسە ڕابەر ئاپۆی نەبۍ. جیاوازی فرەش بۍ. جە لێوە جوانا کوردی جە بەنداوو چوبوکینە کۆڵەکە بنەڕەتییەکا ڕێکوستەی پەکەکەی نیێنێرە، جە لێوەتەرۆ حەقی کارەر و کەمال پیر جە یانێوەنە مەنێنۍ، هەرمانەی هامبەشەو شۆڕشگێڵنی کەرێنۍ. چا کاتەنە پایە بنەڕەتییەکۍ ڕێکوستەیۍ جە کوردەسانەنە نریێرە، جە بەحری سیاوۆ چنی ئی شۆڕشگێڵنە جوانایچە گفتوگۆ کەرۍ. ئاستو پەیوەندییەکاش پی جۆرە بۍ. ئینەیچ ئاستو ئەنەیاوای نیشانە مڎۆ.

سەرەنجدەیمۍ، جە ئادیۆدەنە دەسشپنەکەرڎ کە وەهارو ١٩٧٤ینە ئەرەمەرزیا، دماتەر پېسە بەرەی یۆگێرتەو مڎرامانی دژو فاشیزمی (FKBDC)بەردەوام بی جە سەرەتاو ساڵۊو ١٩٨٠. چا سەردەمەنە یاوا بە هەبەدەهەی. دلۍ گرڎو ئا هێزا هامپەیمانیشەنە ئانۍ دیموکراتیکبیەو تورکیایشا مەتڵەبا پەکەکە هەن. جە ڕاسی تورکیای نەبڕیانەرە. ڕێکوستەیۍ تەرو کوردی نیا. کەسایەتیێوە یان ڕێکوستەیۍ کە ماچۆ بە نامۍ کوردەسانیوە جمۆوە، دلۍ ئا هێزانە نیا. بەڵام پەکەکە هەن. حەقیقەتو پەکەکەی ئانەش بەروست کە ئازادی کوردا و دیموکراتیکبیەو تورکیای یەکانگیرێنۍ، تەمامکەرۍ یۆترینێنۍ. مشۆم پی جۆرە ڕاسی پەکەکەی بوینیۆ و چنەش بیاومێنە.

کەس نمەتاوۆ واچۆ پەکەکە هێزێوە وەرتەسکا، پەیوەندیش بە پرسەکا تورکیایۆ نیا. ئانۍ هەوڵمڎا ئینەی واچا حەقەتینەکا ئاوەژو مکەراوە. دوورا جە ڕاسیۆ. پېسە چنی ئانەی جە نەتەوەپەرسی تەنگو کوردی ۋێش بڕیەرە، جە دژو نەتەوەپەرسی، ملکەچکاری ڕیفۆرمیستی و نەتەوەپەرسی بۆرۆژوای گولانەی ئەوەکۆشا، ۋێش بنیاڎ نیا، چانیشا بڕیارە و ۋێش کەرد بە تەڤگەرێوە ئازادی کوردی کە دیموکراتیکبیەو تورکیای و ۋەرکۆتوو مېیامینیش گەرەکا، جە هەمانکاتەنە جە دژو شۆڤێنیزمی کۆمەڵایەتی سەرو پرسو تورکیای  کاریگەر بی، ئەۋەکۆشا. شۆڤێنیزمی کۆمەڵایەتی (سۆسیالی) چێش بۍ؟ بیەو تورکی، بیەو کوردی، ئازادی قبوڵ نەکەرۍ، نزیکایەتیێوە پا جۆرە بۍ کە جە دژو کوردا خزمەتش بە ئایدۆلۆژیایی ڕسمی دۆڵەتی کەرۍ. پۊکەی نەتاوابێشا بە شێوێوە دروس شیکاری تورکیای بکەرا. نەتاوابێشا هێڵۆو شۆڕشگێڵنی جە ئەرەکۊشاینە بە شێوێوە ڕاس دەسنیشان بکەرا. پېسە چنی جیامەنۍ جە نەتەوەپەرسی کوردی، ئەۋەکۆشیۍ جە دژو ئانەی، بە ماناو جیامەنەی نمۍ جە کوردایەتی، بیەو کوردی و ئازادی کوردی. بە پێچەوانۆ تێکەڵبیەی و یەکانگیربیەین چنیشا، بڕیای جە شۆڤێنیزمی کۆمەڵایەتی تورکی  و ئەۋەکۆشای جە دژش، بەماناو بڕیەیرە نمۍ جە گلێرگەو تورکیای جە دیموکراتیکبیەو تورکیای، بە پێچەوانۆ بەمانەو یۆگێرتەین چنیش، یۆگێرتێوە فرە بەهېز.

گەلوو کوردی ئازادی ۋێش جە دیموکراتیک بیەینە موینۆ

ڕابەر ئاپۆ جە دادگاییکەردەی ئیمرالینە واتش: 'ئێمە تورکیانە ئەرەکۆشی دیمۆکراتیکیما دەس پنەکەرد، مەتاومێ حیچی تەر قبوڵ کەرمێ'. جە حەقیقەتەنە دلێ جمیەرەو دیموکراتیکو شۆڕشگێڵی تورکیانە سەرش هۆردا. پەنەوازا گەل گرنگی بە ڕووداوە تاریخییەکا دانە و بی جۆرە جە حەقیقەتەکا پەکەکەی و ڕابەر ئاپۆی یاوانە. ئنەو یاواینە جە یۆگێرتەی چنی گلێرگەی، گەل، تاریخ و حەقیقەتو گەلو کوردی، پەنەوازا مرۆڤ ئنە دەور جە پەیوەندیێ بەهێز چنی گلێرگەو تورکیای پەی بە دیموکراتیزەکەردەو تورکیای و دیموکراتیزەکەردەی وەرکەوتو ناوەڕاسی وینۆنە و یاوۆنە. پەکەکە حەر جەسەرەتاوە ئینەش بە ستراتیژ زانێ. ئازادی کوردی هەمیشە جە دیموکراتیزەکەردەی تورکیای، دیموکراتیزەکەردەی وەرکەوتو ناوەڕاسی وینان، جە راپیمای دیموکراتیک و ئازادی مرۆڤایەتینە وینان. پێسەو هامبەشو ستراتیژو وێش پێناسەش کەردەن و پی جۆرە بەردەنش ڕاوە.

ئانەی ئیسە مشۆم باسش کەرمێنە ئینەن: بە لوای دلێ ساڵەو ٤٧ـەمینی، ئەرەکۆشای ٤٦ ساڵەی ئی حەقیقەتەش ئنەی تەر ڕۆشن نیشانەدان کە کاریگەریش سەرو تورکیای هەن، جەلایەنو فرە جە ناوەندەکا باسش چنە مکەرا، بڕێ لایەنێ هەوڵ یاواینە مرا و بەڕاسی گەرەکشنە چنەش یاوانە. سڵامش ونەکەرمێ، ڕێزو ویما پێشکەشا مکەرمێ. بەڵام ئانێ پێچەوانە هەوڵ مرا فرێنێ. هەرپاسە جە هەوڵو فێڵکەردەی و چەواشەکاری مرا. ئەرەکۆشی پەکەکەی کاریگەری پاسەش هەن.

ئامانج ئازادی جەسەیی ڕابەر ئاپۆین

ئەرەکۆشی ساڵەو ٤٧ـەمینی چەنین بۆ؟ سەرو بنەماو هەڵمەتەو ئازادیی جەهانی کە ئامانجش ئازادی جەسەیی ڕابەر ئاپۆین دەس بە ساڵەی تازێ مکەرمێ. سەرو ئی بنەمێ ئەنجامو پراکتیکی هەڵمەتەکەی هەن. ئێمە ئینەما ئەرەیاونا: "ئازادی جەسەیی ڕابەر ئاپۆی ئیتر پڕوپاگەندە مەبۆ، هەنگام بە هەنگام مێ دی. ئەرەکۆشی ٤٧ ـەمین ساڵە پی جۆرە بۆنە. سەرو ئا بنەمایی خەباتێوە پلان پەی مچیارەی و ڕێکوزتەی پەی ئازادی جەسەیی ڕابەر ئاپۆی جە گردو بوارەکانە بەرمێ ڕاوە. ئێمە پێسەو جمیەرەو ئازادیی پەی ئینەی ئامادێنمێ. ڕاوەبەرو ئێمە، کادرەکێما، کۆمیتەکێما جە گرد بوارێنە ئینێ پلانەنە ئەرەکۆشای ٤٧ـەمین ساڵڕۆ جە ڕووەو هۆرسەنگنای ویەردەی و بەراوەردکەردەو داهاتووینە حیچ لاوازییش نییا. ئارێ ڕۆشنێنێ، ئینێ وەروچەماوە، بە قەرارو و ئیرادەنێ، خاوەنو ئا هێزەینێ پلانسازی دەس پنەکەرا. فرەو ئانیش پەی وێشا دروسشا کەردەن.

سەرو ئی بنەمێ، ماچا، بە پەشتبەستەی بە داتا و ئەنجامەکا ئەرەکۆشی ٤٦ ساڵێ ویەردەی، دەس بە ساڵەو ٤٧ـەمین مکەرمێ. ئێمە زیاتەر ئامادینمێ، پلان و ئیرادەما هەن. ئێمە بە ئیرادە و پلانە پەشوازی جە ٤٧هەمین ساڵەو ئەرەکۆشای مکەرمێ. ئەرەکۆشای ساڵەو ٤٧ـەمین کە سەرو بنەماو ئازادی جەسەیی ڕابەر ئاپۆی دەس نیشان کریان، جە گرد بوارەکانە درێژەش پنەمرەیمه و سەرکەوتەی گەورە بەدەس مارمێنە. ئینە قەرارو یەکلایی ئێمەن. سەرو ئی بنەمایێ ساڵەو ٤٧ـەمینی پارتیما موبارەک مکەرمێ، جە ساڵە تازێ ئەرەکۆشای، داوا جە هەمڕێیاما، گەلەکەیما و دۆساما مکەرمێ کە ئەرەکۆشایشا جە ئاستێوە بەرزەنە بەرەو سەرکەوتەی گەورە بەراش ڕاوە.

جەنگ بە چڕی بەردەواما

سەبارەت بە جەنگی، فەرماندەیی هەپەگە و یەژا ستاریما، قەرارگەو ناوەندیی ئەرەیاونای پەنەواز مرا. ئێمە ئانەیچ واوەیی مکەرمێوە. کاتێ چێوێ تازە ڕووە دۆنە ئێمە زانیاری مرەیمی. ئامارەکێ جە دماین و هەر مانگێنە وەڵا مکەرمێوە. ڕوانە زانیاری  و چالاکییەکا وەڵا مکەرمێوە. گرد ڕوێ جە وەرنیشتو زاپی و مەتینای چالاکی هەن. چالاکییەکێ جە هەفتانینەوە تا خاکورک ئەنجام مڏریا. مڏرامانێ بوێرانە جەوەراوەرو هجومە ئەرەگیرکارییەکا هەن، جە لە ٣و تەمموز بە پەشتیوانی حکومەتو عێراقی جە هەرێمەکا پارێزناو میدیای دەسش پنەکەرد. ئەگەرچێش متاومێ واچمێش ئی هجومێ بەگردی شکستش ئاردە.

ئێمە چانەیە یاوایمێنە، واتشا چی هامنەنە تەمامشا مکەرمێنە، واتشا مەیاەحنە پاییز، ئاریچ ڕووەشنەرا. مانگە نۆوەمبەری بەرەو دمای ملۆ. واتشا ئێمە مژدەو سەرکەوتەیما ئەرەیاونمێ. ئی جۆرە قسێ دمایشا نامان. فەرماندەیی گردی قسێ کەرۆ، یان وەزیرو وەرگری. باسشا چانەیە کەردی چنین جە زاپەنە سەرکەوتەیشا بەدەسئاردەن، بەڵام دیارا چەمەڕای دمای مانگە نۆوەمبەری مکەرا. جە ١٥و نۆوەمبەری چنی عێراقی گلێرێ بیێ. ڕەنگە جە ٢٧و مانگێنە ئەرەیاونێوە وەڵا کەراوە. با ئاشکراش کەرا، جەماوەر چەمەڕاو قسێ ئاریشانێ. واتش، ئێمە قفڵشا مکەرمێنە. قفڵ دریا نەدریا، یان وێشا قفڵ بیێ؟ ئایا کەوتێنێ دلێ گێژاوێ؟ سەرنجڕاکێشا. پێسەو ئانەی گرد باوەڕشا با ئامارا بۆنە. جە وەرکەوتو ناوەڕاسی و گردو جەهانینە پڕوپاگەندە مکەرانە. زانیاری پەی ئێمەش مێ. پەرسانە هەڵای ئینی چا؟ ئایا جە زاپ گەریلا هەن؟ ئایا جە مەتینانە گەریلا مەنەن؟ جە فڵانە یاگێ گەریلا مەنەن؟ پنەشا فرە سەیرا.

کاتێ ماچا جە فڵانە یاگی چالاکی ئەنجامدریان، جە فڵانە یاگی سەروازی کریێنێ ئامانج، ماچا بەڕاسی ئارێ ئینێ چێ؟ کەسێ فرە قەناعەتش پنەکریانو و پنەشا ماچا ' گەریلا نەمەنە'. دەور و بەرشا بە دروێ فریودان. بە واتەو 'دلێ شییەو پەکەکەی جە فرەو لایاناوە پاڵپەشتیشا بەدەس ئاردەن. بازرگانی مکەرا. ئاری دەرفەت بەدەس مارا. بەڵام ئاری زانانە حەقیقەت پاسە نییا، واز جە پەشتگیری و هامکارییەکاشا مارا. بیێنی بابەتو گاڵتەجاڕی. بەردەوام وەرو تەرسێ و پێشهاتەکێ ماوەکەش درێژ مکەراوە. مانگەکا خوای دمایشا نمێنە و ئارێچ پی جۆرە بەردەوامێنێ جە چەواشەکاری.

دۆخو ڕاسی؛ جەنگ بەردەواما. جە سەرنیشتەنە بەردەواما. فەرماندەیی قەرارگەو ناوەندیما جە بەیاننامەکەنە ئەرەیاوناش کە سەرنجش ئینا سەرو پانیشتی. بە دڵنیاییۆ جە پرۆسەو ئایندەینە پێشهاتێ تازێ ڕووەمرا. جەنگ جە شارەکانە بەردەواما. ڕوانە چالاکی ئەنجام مرا. هەرپاسە ئۆپەراسیۆنو سەروازی ئەنجام دریۆ. وینمێ کە جەنگەکە هەنگام بە هەنگام جە هەرێمەکا پارێزناو میدیا و سەرنستو کوردەسانی بەرەو شارەکا ملا

بێگومان جەنگو هەرێمەکا پارێزناو میدیای گرنگا. جنین گرنگا؟ پەدەکە بە گرد جۆرێ پاڵپەشتیشا مکەرۆ. چی دماییە عێراق پاڵپەشتیش کەرد. ئی هجومە پلان پەی مچیارەی، هجوم ئەرەگیریا جە ١٠هەمین ساڵەنە بەردەواما. ١٠ ساڵێ جێوەڵتەر جە ئۆکتۆبەر ٢٠١٤ پلانەش پەی نریارە، قەرارەکە سەرو بنەماو پلانەو 'شکس پنە ئاردەی' دریا. ١٠ ساڵێ ویەرد. یاوای بە گردوو ئامانجەکاشا بە لاێی، بەڵام نەتاواشا تەنانەت ئامانجێ گولانەیچ بەدی بارانە. نەتاواش جە پلانەکێشا سەرکەوتووێ با. ئارێ گەرەکشا پێ جە ماوێوە فرە کوڵەنە ئەنجام بەدەس بارانە، بەڵام ١٠ساڵێ ویەرد و نەتاواشا سەرکەوتە بەدەس بارا. گردوو دەرفەتەکاشا کۆکەردێوە پەی ئانەی چێ سەرکەوتەی بەدەس بارا. دارایی، ئابووری تورکیا گرد چێوێشا وست خزمەتو ئی جەنگەی بەڵام سەرنەکەوت. ئیسە گرد چێوی هۆرشنریۆوە.

ئەر چی یاگێنە تواناو ئانەیشا بیێ ئەنجام بەدەس بارانە، ئانە بە دڵو ئاریشا بێ. بەڵام نەتاواشا ئەنجام بەدەس بارا. پۆکەی سەرکەوتەیشا جە جەنگەنە، دلێبەردەو سیستەم و دەسەڵاتی فاشیستی، عەقڵیەت و سیاسەتی مرۆڤکوژ و ئەرەگیرکاری دماو وێشەرە ئاردەن. پۆکەی بەڕاسی وەراوەرو گەریلاینە شکست مارمێنە. دلێ گێژاوینە چەقیون. بێگومان کاریگەرییەکان لە داهاتوودا زیاتر دەبینرێت.

 هەم ڕووداوەکە بەم چەقێنمێ ڕووەمرا و هەم کاریگەری سەرو ئاکەپە، مەهەپە، دەسەڵاتدارو فاشیستی هەن. گەریلاو سەرەتای، بەدڵنیاییۆ دەسش بە گێڵای و دماو تاکتیکرە، شارەزایی و چنەئامایس جە هەرمانێنە پێ، گۆڕانگارییەکێ زەحمەتی وێش پی، بەڵام ئیسە جە بابەتو جەنگو مەرەکا و تیمە گەڕۆکەکانە ئەزموونێوە گەورەش هەن. ئیسە ئینا دۆخێ چانەنە یاوانە کە هجومەکا دوژمنی واناوە و جە وەرانوەرەنە تەدبیرو وێش کەرێ، هامکات چالاکی ئەنجام مرۆ و گورزە وێش شانۆنە.

چانەیش ڕۆ بە ڕۆ خاستەر و بەتواناتەر بۆنە، چونکە گەریلا هێزە گورز دایوەنەیش هەن. بە مانێوەتەرە ڕابەر ئاپۆ واتش: "یەکەیەکی بچووکی پەکەکە کە وێش وەڵێ وستەبۆ و بەهێز کەردەبۆ، حیچ چالاکیێ نییا کە چنەشەنە سەرنەکنۆ، حیچ دوژمنێ نییا کە جەواوەرشەنە شکس بارۆ'. ئینەما جە چالاکی و هەڵوێسو ئاسیا و ڕۆژگەرێنە وینا.

چالاکییەکەو توساشی هێزو گورزەو گەریلایش نیشانە دا. بە ڕۆشنی نیشانەو گرد لێوەش دا کە هیچ ئامانجێوە دوژمنی نییا کە نەتاویۆ بڏریۆش ونە. ئینەیج ئاستو بەرزو ئەرەکۆشای گەریلایش نیشانەدا. سەرو ئی بنەمایێ، جارێوەتەر سڵام مکیانو پەی گەریلاکاو زاپی و مەتینای و چوار پارچەو کوردەسانی کە ئازایانە جەنگ مکەرا، سەرکەوتەیشا پیرۆز مکەرو، گەشمەرڏە قارەمانەکاما بە ڕێزداری و حورمەتۆ یاڏ مارووە. جە پرۆسەو زمسانینە هیواو سەرکۆتەی پەی گرد لێوە موازو.

مشۆم رێکوستەیۍ یاگەگیر پەی شارەوانییەکا ئەرەمەرزیۆ

ئیساتۍ پېوەس پانەی لایەنەکا سیاسەتی دیموکراتیکی ئاژەکەی هۆرمسەنگنا، هەڵوێسو ۋێشا نیشانە مڎا، قەرار مڎا، پلانە پەی ئەۋەکۆشای منیارە و جابەجێش مکەرا. ژەنا، جوانا و گەلە وڵاتپارێزەکەما جە گرڎ بوارێوەنە بەشدارۍ با، جە ۋەرا ۋەرو ئانەینە مڎرامانی گۆرە ئەنجام مڎریۆ. ئا مڎرامانەی جە مێردین، خەلفەتی و ئێلیحەنە دەسشپنەکەرڎ، جە ئەسەنیورتیچنە گەلوو کوردی دژو هرووژمو قەیومی مڎرامانی گەورە پەیڕەو مکەرۆ. ئیساتۍ خەڵکو دێرسیمی ئینۍ سەرو پەیاوە.

دێرسیم چۆک نمەڎۆرە، سەید رەزا چۆکش نەڎارە. هەرپۊکەی دێرسیمییەکۍ سەرە مەنامنارە، ۋێڕاگری مکەرا. گەلوو کوردی ۋێڕاگری مکەرۆ، کوردەسان ۋێڕاگری مکەرۆ، واتە جە دژو ئا هرووژما. هەڵبەتە مشۆم ۋێڕاگری بکەرا، جگە چانەی ڕای تەرەشا نییەنە. بەڵام ئەر جە بڕۍ لێوە ئاژەکەی هۆرسەنگنمۍ، ئا ئاژە بەرش وزۆ کە ئا گفتوگۆیۍ، سەرو ئا پرۆسەیەی باسشا مکەرا چڼە ساختێنۍ. ئایا مکریۆ مرۆڤ ئاڼنە درۆزن بۆ. جە هیچ کۆو دنیێنە چێوۍ پا جۆرە نییا. مرۆڤ بڕۍ تەنگەتاو بۆ میاچەماش سوور هۆرگێڵۆ، ئارەق بەرمڎۆ. ۋەرو ئانەی بە ئەنقەس دروۍ مکەرا، هەڵای بڕۍ هەنۍ کە گۊششا ۋنە مگێرا، هەوڵ مڎا بە ئێمەیچش بیاونا. مشۊم زۋانو سیاسەتی دیموکراتیکی جە ئاژێوە چامنەنە هەڵوێس بگێرۆنە ۋەر. مشۆم مرۆڤ ئا چێوەی بەدەسشئارڎەن پارێزنۆش.

مشۆم شۊنەماو ڕاوەبەری گەلی، خزمەتگوزاری گەلی دەسو گەلیوە بۆ. مشۆم دەوڵەت ۋێش چا شۆنانە هۆرنەقورتنۆ و دەسوەردای نەکەرۆ. دەوڵەت چی دەسوەردای مکەرۆ، چنی تێکەڵ بۆ؟ مشۆم مرۆڤ رووبەڕوو ئانەی بۆوە. کێشە ئینا چانەینە، واتە شارەوانی بە دەنگو سەڎەنە ٦٥و خەڵکی بەدەسئامێنۍ، ئا جەماوەرەی بە رێژەو سەڎەنە ٦٥ دەنگش دان ئینا چکۆ؟ با ۋێشا رێکوزا، شارەوانییەکاو ۋێشا کارا بکەرا. بەپێچەەوانەو ئانەیۆ موینو. یاساکۍ فاسیستی پاسشا کەردەن. دۆڵەتو ناوەندگەرای، دۆڵەتێوە کە هیچ چێوۍ پەی گلێرگەی نمازۆوە پا جۆرەیە مکەرۆ. مشۆم گلێرگەو دیموکراتیکیچ ئانەی رەڎبکەرۆوە، مشۆم دژو ئانەی مردۆوە. مشۆم یاگەگیرو ۋێش وەڵۍ وزۆ. مشۆم ڕاوەبەرایەتی دیموکراتیکی گەلی، ڕاوەبەری دلێینەو ۋێش ساز بکەرۆ. گرڎ چێوۍ بە زەڕ نمەکریۆ. متاوا دلۍ ۋێشانە زەڕ گلېربکەراوە و ۋێشا پېسە شارەوانی رێکوزا. پەی نمونەی متاوا ۋێشا هەرمانەکاشا بکەرا. مشۊم مرۆڤ بە شێوازی جیاجیا ئا زەوتکەرەیۆ قەیومی پوچ بکەراوە.

متاوو چێش واچو، کەسانۍ پېسە منی چێش ماچا؟ ئێمە هێزو ئەۋەکۆشاینمۍ. ئێمە ماچمۍ مڎرامان. هەمڕا مەزڵوم دۆغان واتش، "مڎرامان ژیۋاین". مڎرامان ئەنجامەکەش سەرکەوتەین و ۋۍ دایدەسۆی ئەنجامەکەش خیانەتا. مشۆم مڎرامان زیاتەر بکریۆ. جگە چانەی هیچ ڕێوە نییەنە. جە دژو هرووژم و زەوتکەردەی فاشیستی، جگە جە گەورەکەردەی و وەڵۍ وستەی مڎرامانی هیچ را و رێبازێوە تەر بیەیش نییا. بە دڵنیاییوە مشۆم مرۆڤ زیاتەر ۋێش رێکوزۆ، کۆشش بکەرۆ و ۋێڕاگری بکەرۆ.

هیچ مەعنێوە پەی هۆرچنیەی نەمەنەن

ئیسە ئینە یەرەم جارا، جە مێردینەنە قەیوم منریۆرە. هەر پەنچ ساڵ جارێ هۆرچنیەی مکریۆ. ئینە کەرۆنە ١٥ ساڵێ. ١٥ ساڵێن جیایی هۆرچنییەی، قەیومی منیارە. ئانەی جە هۆرچنیەینە دۆڕیۆ، ئانەی گەرەکشا کەرۆش بە سەرۆکو شارەوانی. کەواتە هۆرچنیەی حیچ مانێوەش مەنەن؟ ئایا جە تورکیانە هۆرچنیەی حیچ مانێوەش مەنێنە؟ بەراسی گەل ئیرادەو وێش نیشان دان؟ هۆرچنییەی دیموکراتیکی ئەگەرش هەن بێ ئاراوە؟ حیچ یۆ چانیشا بییەیش نییا. دیارا کە هۆرچنیەی گەمەن. ئیتر مشۆم گەل باوەڕ بانەیە نەکەرۆ، مشۆم کەسیش بڕواش بانەیە نەبۆ. جە حەقیقەتەنە ئێمە تاقیکردنەوەما کەرد.

ئیسە جە تورکیانە ئیتر حیچ کەسێ باوەڕش نە بە هۆرچنیەی شارەوانی، نە بە هۆرچنیەی تەری نیا. وەرو ئانەی ئیرادەو گەلی بە هەند ورمەگیریۆ. وەرو ئانەی ئیرادەو سەردەسەو فاشیستی و کۆشک با جۆرەی گەرەکش بۆ کودەتا کەرۆنە. کەی گەرەکش بۆ، فاڕۆش. ئا کاتە ئینە بە هۆرچنیەی مەکریۆ. بە چێش کریۆ؟ بە جەنگ، ئەرەکۆشای و مڏرامانی کریۆ. ئا کاتە جوانێ، ژەنی جوانێ و خەڵکو کوردەسانی چێش واچا؟ ئنە خەبات مکەرمێنە، هۆرچنیەیی مکەرمێنە، سەرکنمێ، جەدەسمانە بەرمارا، مەتاومێنە حیج واچمێ. کەواتە مشۆم چێش کەرمێ؟ مشۆم دەستدرێژی ماڕمێنە. دەسو ئاریشا ماڕمێنە، ئێمە ئەرەکۆشمێ. ئینە بە چ مانێوە؟ بە ماناو جەنگی و وێپارێزناین. کەواتە وێپارێزنای رێکوزۆ و بەشداری وێپارێزنای کەرۆ. بە زەبرو چەکی گێرۆش، بە زەبرو پۆلیسی گێرۆشو. ئەر جە وەراوەرو ئاریشا هێزو شۆڕشگێڵنی کە زۆرداری ئاریشا دلێنە بەرۆ و گورزە چاریشا شانۆ، ئارێ مەتاوا هەنگام بنیا.

چێشا پنەکریۆ؟ مەتاوا دەسیش هۆربڕا. وەرو ئانەی کوردەکێ بێ ئەڵترناتیڤێ نیەنێ. پەکەکە هەن. با فەرماوا، ئێمە بانگەواز جە جوانا و ژەنە جوانا مکەرمێ. بەشداری پەکەکەی و پاژکی و بانە، سەرو رێکوزتەو وێپارێزنای ڕژدێ با و گفتوگۆس کەرا. ئێمە پەی ئانەیە بانگەواز مکەرمێ، جا بڕوانمێ کە زیاتەر بەشدارێ با.

وەرو ئانەی ئانەی کە حەقیقەتا هێڵەو پەکەکەین. جە ڕاو هۆرچنیەیۆ فاشیزم، کۆلۆنیالیزم و قڕکەردەی دلێنە مەشۆ. ئەگەر تۆ با زوانەی چنەش میاوانە ئەرەکۆشای نەکەری، تۆ مەتاوی ئاریشا شکس پنەباری. ئەرەکۆشای بە چ زوانێ یاوانەیش سەر ساز کریۆ؟ بە ئەرەکۆشای گەریلای. ئانەی جە شارەنە بۆ، جە کەشەنە بۆ، جە گرد یاگێنە بۆ. جە گرد یاگێنە تاوۆ وەڵێ وسیۆ.

جەلاێی تەرۆ گەرەکما نەبێ با جۆرە بۆ. ئەر بە هۆرجنیەی بیێ، ئێمە رەتما نەکەردەنۆ. بەڵام لایەنی وەراوەر رەتش مکەرۆوە. ئێمە واتما، کورد بە یاگەکیرۆ، پەکەکە بە یاگەکیرۆ خەبات بکەرۆ. ئا کاتە کە واتشا بە هۆرچنیەیی مەبۆ، ئێمەش بە جەنگ، ئەرەکۆشای و مڏرامان وەرپەرچش مرەیمێ. ئێمە بە سەر هۆردای جوابش مرەیمێ. ئێمە جەنگو گەلی، جەنگو وێپارێزنای و سەرهۆردای گەشتەر مکەرمێ. ئەر بە زۆرەملێ ئانەی کەردێ، ئێمەش بە شێوێ شۆڕشگێڵانە جوابو زۆرداری فاشیستی مرەیمێ. ئا بوێری و زاناییەی جەلاو کورداوە هەن.

پەکەکە نامنیشانو ئا زاناییەو، رێکوزتەی و چالاکیەین. پەکەکە جە کوردەسان بەروسو ئا ئیرادەینە. پێسەو رۆح، هەست و هزرو گەلو کوردی، جە زانابیەیش و چالاکینە ئیرادەشا، وێپارێزنایشا. چنین ئیرادەو وێش نیشانە دۆنە و پارێزنۆش؟

مشۆم ۋنەپەرسایۆ بکریۆ

پەکەکە قەوەتتەر بۆ. ئەۋەکۆشای پەکەکەی زیاتەر بەرەو وەڵۍ ملۆ، مشۆم زیاتەریچ بلۆ وەڵێوە. پەی ڕاگێرتەی چانەی ، پەرە بە هرووژمو جەنگی تایبەتی مڎریۆ. گرڎ شۆنێنە چەتۍ هەنۍ، پەی ئانەی نازا جوانا و ژەنی بەشداری جە ئەۋەکۊشای ئازادی و گەریلاینە بکەرا، هەوڵ مڎا گرڎ جۆرە خراپەکاریێوە پەرە پنە بڎا. مادەی هۆشبەر، لەش ورەتەی، دزی، مافیاگەری، پەرە بە گرڎ چێوۍ مڎا. یۆ واچۍ، "جیای ئانەی بلا پەی کەشی با فڵانە هەرمانۍ بکەرا". کەسێوە نامەرد بۍ، ئینەنە هێڵۊو ئاڎیشا.

جە دژو ئاڎیشا، مشۆم مرۆڤ زیاتەر رووە بکەرۆ کەشەکا. مشۆم ۋنەپەرسایۆشا چنی بکریۆ. واتە رۆ، رۆو ۋنەپەرسایۆین. جەنگی تایبەت تەنیا بە جەنگکەردەی ڕاش ۋنە مەگیریۆ. گفتوگۆ جە بارەشۆ بکەرمۍ، بیاومێنە، بەڵام جە دژو ئانەی ۋێما رێکوزمۍ، دلێشەنە بەرمۍ. نمەبۆ بازمۍ هەناسە بڎۆ. مشۆم ئینسان ئا چەتە و مافیایا دلێنەبەرۆ. ئاڎۍ کێنۍ، چ هێزێوەشا هەن. ئەر جە ۋەرا ۋەرشانە چالاکی بە رێکوستەکریای شۆڕشگێڵنی نەبۆ، ئاڎۍ پا جۆرە ۋێشا نیشانە مڎا پېسە ئانەی کە قەوەتێنۍ. با مرۆڤ بڕۍ جە دژشا مردۆوە، بڕۍ ۋنەپەرسایۆیشا چنی بکەرۆ. یاگۍ ۋێشانە قەتیس مکریا. هیچشا پنە مەکریۆ. جوانا کوردی دماڕۆیۍ گۊرەشا پەی سەرکەوتەی ئینا ۋەرو دەمینە. ژیۋای ئازاد ئینا ۋەردەمشانە، ژیۋای تازە هەن. ئی جوانۍ یاوێنۍ پا زانابیەی و هوشیارییە. ٤٠ ساڵێن جەنگ مکەرۆ، ٥٠ ساڵێن بە سەرمەشقی رابەر ئاپۆی ئەرەکۆشای ئازادی ڕاوەبەر مکەرۆ. کەواتە جوانا ئاپۆیی پەنەوازشا بە چێشی بۆ، بێ کەموکوڵی پەیشا مەیسەر مکەرمۍ. ئیتر کات کاتو ئانەینە زیاتەر ئاپۆییۍ با. کاتو ئانەینە. پۊکەی نمەبۆ مرۆڤ گۆش پەی شۆنۍ تەری دارۆ و نمەبۆ چەمێش جە شۆنی تەری بۆ.

پێشئامای و پەرەسانایەکۍ بەرش وزا کە ئێمە مشۆم راس، جددی و بە دیسپلینۆ مامەڵە بکەرمۍ. حەقەتینەکۍ فرە ئاشکرێنۍ. ئەرەکۊشای جە گرڎ رووێوە بەردەوام مەبۆ. ئایا مرۆڤ چ چەمەڕایی و هیوێوە سەرو رژێمو فاشیستی ئاکەپە- مەهەپەی هۆرچنۆ؟ بە دڵنیاییوە ئاڎۍ هرووژم مکەرا، بەڵام ئێمەیچ جە گرڎ شۆنێ وبە هێزێوە گەورەتەرۆ پەرە بە مڎرامانی و ئەۋەکۆشای مڎەیمۍ. فاشیزم تەنگش پنە هۆرچنیۆ، تەنگەتاو مەبۆ و گنۆ چێرو فشاریوە. ئا کاتە ئەر ئا حەقەتینا بوینمۍ، ۋێما زیاتەر رێکوزمۍ و ڕاو ئەرەکۊشای کاریگەرتەری بگێرمێنە ۋەر، ئێمە سەرۍ گنمۍ. گرڎ کەسی پەی گێرتەی ۋەرو هەڵوێستێوە پا جۆرەیە خوڵقە مکەرو.

ئیدامەش هەن......