ئیڎارەو ویڕاوەبەری جە سەرنیشت و وەرکەوتوو سوریاینە دووەپاتش کەرڎۊ، کە حەوڵەکۍ پەی سەپنای گەمارۊی بە زەبروو چەکی لاو سوپاو عێراقیوە، ڕاکارێوەن دژوو بەها و ئەخلاقوو پارێزنای کەمپی و پەنابەرا.
ئارۊ، ئیڎارەو وێڕاوەبەری سەرنیشتنە و وەرکەوتوو سووریاینە سەروو یاگۍ ڕسمییەو وێشۊ ئەرەیاوناێوەش وەڵا کەرڎۊ سەبارەت بە حەوڵەکاو سوپاو عێراقی سەبارەت بە تەلبەندکەرڎەی کەمپوو مەخمووری و نیایرەی قولۍ چەمداری.
جە ئەرەیاوناکەینە ئامان:
«چەنی ئا دۊخە دژوارەو پەنابەراو کەمپوو مەخمووری کە دلێشەنە مژیوا، چەنی ئیش و ئازاری و ورئامای جە ستەم و نادادیی دەوڵەتوو تورکی، چی سەع‌اتاو دماینە، ڕەفتارەکاو حوکمەتوو عێراقی ئێش و ئازاروو ئەرەنیشتاو کەمپەکەیشا کەمپەکەی زیادتەر کەرڎ.
هجوومەکۍ پەی سەروو کەمپوو مەخمووری و حەوڵەکی پەی سەپنای گەمارۊی بە زەبروو چەکی، ڕاکارێوەن دژقوو بەها و ئەخلاقوو پارێزنای کەمپوو پەنابەرا. ئەرەنیشتا کەمپەکەی خەڵکانیوە بێگوناحۍ و پەنابەرێنۍ، کەمپەکە کەمپەکە ئینا چێروو چەمداریی نەتەوە یۊگێرتەکانە کەچی ساڵانێوەن ئینا چێروو قۊرخی و گەمارۊینە. ساڵانێوەن حوکومەتوو بەغدای هەلومەرجۍ سەختیی ملشارە سەپنۊ و گەمارۊشا سەرۊ تند کەرۊوە، ڤگە ئانەیجە کە وێشا ڕەوشەکەشا سەخت و نالەبارا. ئەشیا حوکمەتوو حێراقی داواکارییە ئینسانەییانەکاو ئەرەنیشتاو کەمپەکەیش جابەجا کەرڎێنۍ، نەوەک هێزی سەرازی دژشا بەکار بارۊ، ئی هەرمانۍ حوکمەتیی نەشیێنە و ناکۊکەنە چەنی بەها و پێوەر و یاسایەکاو پارێزنای پۊەنابەرا. پێسە مزانیۊ گەلوو عێراقی دەسوو کۊچوباریوە ئیشی فرەش پەنە یاوان. هەڵای هەزاران عێراقیۍ کەمپەکاو ئیڎارەو وێڕاوەبەرینە ئەرەنیشتێنۍ. وەلۍ وەرپەرسبییەی و پارێزنای و فەراهەمکەرڎەی پەنەوازییەکاو ژیوای گنۊ گەرڎەنوو حوکمەتی و دەسەڵاتە وێڕاوەبەرییەکا.
دووەبارەش کەرمیوە کە ئێمە جە ئیڎارەو وێڕاوەبەریی سەرنیشت و وەرکەوتوو سووریاینە پەشتیوانی پەنابەراو کەمپوو مەخمووری کەرمۍ، چەنی ئیش و ئازارەکاشا هامسۊزێنمۍ، پێسەن پەشتیوانی و هامسۊزیما پەی گرڎ پەنابەرێوە حەر لاێوە دنیێنە بۊ. دووەبارەش کەرمێوە کە پەنابەرۍ ساحیبوو مافتینۍ مەبۊ ئازارەکێشا قووڵۍ کریاوە، چوون بنەريتنە سەبەبی مرۊیی ناچارێش کەرڎێنۍ کە ڕووە کەرا کەمپەکا. پەنەوازا بە زوانیوە جیا جە زوانوو چەکی قۊرتەکۍ حەلۍ کریا، جە ڕاو وتەواچی و ئەنەیاواینەیۊ قۊرترۍ پەنابەرا حەلۍ کریا و حساب پەی هەلومەرج و دۊخەکەیشا کریۊ، بەرڎەوام گفتوگۊ کریۊ بە بناغەو چارەسەری، نەوەک ئا ئیختیاری کە ئەنجامی جیا و نەوازیاشا چەنە گنۊوە».
س.ز
