ڕاوەبەروو ئینستیوتی کوردی پۍ ئەوەکۊڵیای و زانستی جە ئەڵمانیانە ئەرەیاۋناش نەورۆز ڕۊو مدرامانی و سەرکۊتەیا و واتش: "نەورۆز سەرەتاو سەربەخۆیی و ئازاڎییا. نەورۆزوو ٢٠٢٤ و گەلە قارەمانەکەیما پیرۆز بۆ!".
ڕاوەبەروو ئینستیوتی کوردی پۍ ئەوەکۊڵیای و زانستی جە ئەڵمانیانە بە ئەرەیاۋنێوە نویسیا نەورۆزش پیرۆز کەرد.
جە ئەرەیاۋناکەینە سەرنج وزیان سەروو بەها و گرنگییەکا نەورۆزی جە وەڵینگەو گەلوو کوردینە پێسە سیمبولوو مدرامانی و سەرکۊتەی.
حەرپاسە سەرنج وزیان سەروو حۊڵوو دەوڵەتا ستەمکاری پۍ سەرکوتکەردەی مدرامانوو گەلوو کوردی، بەتایبەت جە سەرنیشتوو کوردسانی، ئەرەگیر حۊڵشدا گیانوو مدرامانی جە زینڎانوو ئامەدینە ماڕۆ، ماچۆ: "مەزڵوم دۆغان پەی پووچکەردەیۆ هجووم و هەڕەشەکا کوشتەی، ڕۊو ٢١ و ئاداروو ١٩٨٢ ێش بە یەرۍ شقارتۍ جەسڎەو ۋێش کەرد بە ئێروو نەورۆزی. ئی تروسکەو مدرامانیە جە سەرانسەروو وڵاتینە گیانوو مدرامانیش بەقوەتتەر کەرد ".
ئەرەیاۋناکەی باس چانەی کەرۆ ٢١ و ئاداری جە کۆبیەیۆ گرڎیی یۊبیەی نەتەوەکانە جە ساڵەو ١٩٦٦ پێسە "ڕۊو ۋەرەنگاربیەیۆ نەژاڎپەرسی و جیاکاری" پەسەنڎکریان و جە دمادماینە ماچۆ: "بەڵێ، نەورۆز مدرامانا، نەورۆز ئێرا، نەورۆز سەرەتاو سەربەخۆیی و ئازاڎییا. نەورۆزوو ٢٠٢٤ و گەلە قارەمانەکەیما پیرۆز بۆ!".
