کۊمەڵەو پەشتیوانیی بنەیانەو زینڎانییاو مەڕمەڕەی، چوارچوەو کەمپەینوو "ئازادی پەی عەبدوڵا ئۊجالانی، چارەسەر پەی پەرسەو کوردی" بیناو دەم پارتیینە باگجیلاروو ئیستنەبوڵینە ئێشکگێریی داڎپەوەریشا دەس پەنە کەرد. جە وانایوە ئەرەیاوناکەینە چندین ڕێکوزیۍ و ئەرەمەرزیۍ و کەسێتیی ئامادۍ بێنۍ.

ئەوەڵ هامسەرۊکو دەم پارتو ئیستەنبوڵی، موراد کاڵماز قسێش کەرڎۍ و واتش، پەی پەشتیوانیی جە مانگێرتەی جە وارڎەی زینڎانییۍ دەسشا بە چالاکییەکەی کەرڎەن و واتش: "داواکاریی سەرەکیی ئێمە ئازادیی جەستەیی بەڕێز ئۊجالانین. بە ڕاو ئێمە چارەسەرنەکەرڎەی پەرسەو کوردی و سیاسەتەکاو جەنگی پەیوەندییشا بە گۊشەگیریی بەڕێز ئۊجالانیوە هەن. تا ئێشکگێری لا نەبریۊ، جەنگ دماییش نمێ".

یۊ جە قەوماو زینڎانییا و چالاکاو ئێشکگێری، فینجە ئاکمان، ئاماژەش پانەیە کەرد، گۊشەگیریی سەروو ڕابەرو گەلو کوردی عەبدوڵا ئۊجالانی کاریگەری سەروو ڕۊڵەکاو ئێمەیچ کەرۊ.

یوە جە چالاکەکا، کومری ئاکگولە، ئاماژەش پانەیە کەرد، پەنەوازا دیدار چەنی ڕابەرو گەلو کوردی عەبدوڵا ئۊجالانی کریۊ. بانگەواز وەنەو (سی. پی. تی.)ی کەرد هەرمانەو وێش پۊڕنۊ، ئەوەخوایش کەرڎۊ، تا ئاخر مدرامان کەرا.

هامسەرۊکو (مە توای دەر)ی، دیلەک دەمیر، دەقوو ئەرەیاوناکەیش واناوە، ئاماژەش پانەیە کەرد، کە زینڎانییەکۍ پەی ئازادیی جەستەیی ڕابەرو گەلو کوردی عەبدوڵا ئۊجالانی و چارەسەرو پەرسەو کوردی دەسشا بە مانگێرتەی جە وارڎەی کەرڎەن.

دەمیر جە درێژەنە واتش، گۊشەگیریی ئیمراڵی گردوو زینڎانەکانە وەڵا بییەنۊ، واتش: "داواو کەرمۍ گۊشەگیری ئیمراڵینە و زینڎانەکاو کوردستانی و تورکیاینە دماییش بێ".

ئاخرۊ داوا کریا گردلایۍ پەشتگیریی وەنەو چالاکییەکەی کەرا و گۊش وەنەو داواو زینڎانییە مانگێرتەکا  گێرا و ماچۊ: "ئێمە چەنی زینڎانییا پەی ورگێرتەی گۊشەگیری و چارەسەرکەرڎەی دیموکراتییانە و ئاشتییانەو پەرسەو کوردی، ئێشکگێریی داڎپەروەریما دەس پەنە کەرڎەن".

ئەرەیاونایەکە بە درووشموو "بژیوۊ مدرامانو زینڎانەکا" و "بۍ سەرۊکی ژیوا مەبۊ" و چەپڵەڕێزان دماییش ئاما.

چالاکییەکە ڕوانە سەعات ١١:٠٠ تا ١٧:٠٠ بەرڎەوام بۊ و هەر ڕوۍ بە نامونیشانێوە جیاواز کریۊ.