ئەنجومەنوو سڵامەتی و تەنڎروسیی کرێکارا (ئیسیگ)  ئەرەیاوناش، لاو کەمیوە جه چوار مانگوو یووەموو ساڵەو ٢٠٢٣ێنە ٥٨٥ کرێکارێ مەرڎێنێ گیانیان و ماوەو دەسەڵاتوو ئاکەپەیچنە گرڎیوە ٣١ هەزارێ و ١٣١ کرێکارێ بۊنەو دۊخی قورس و ناتەنڎروستبییەی شۊنێ و ئامێرەکاو هەرمانێوە مەرڎێنێ .

ئیسیگ ئاماروو مەرڎەی کرێکاراش وەختوو هەرمانێنە تورکیانە وەڵا کەرڎۊ. ئامارەکێ جە میدیاکاو تورکیای و کەسوکاروو قوربانییەکاوە ور گیریان و بە پاو ئامارەکا جە مانگەو کانوونوو دووەمینە ١٢٠ کرێکارێ، جە مانگەو شوباتینە ٢١٣ کرێکارێ، جە مانگەو ئازارینە ١٣٠ کرێکارێ و جە مانگەو نیسانینە ١٢٢ کرێکارێ و بە گرڎیوە چا چوار مانگەنە ٥٨٥ کرێکارێ مەرڎێنێ.

بە پاو ڕاپۊرتەکەو ئیسیگی، ماوەو ٢١ ساڵی ویەرڎەو دەسەڵاتوو ئاکەپەینە بە لاو کەمیوە ٣١ هەزارێ و ١٣١ کرێکارێ وەختوو هەرمانێنە و بنەو دۊخی خراپوو هەرمانێوە مەرڎێنێ.

س.ز