فەرماندەیی قەرارگەو ناوەنڎیی یەژاستاری بۊنەو ٨و مارسی ڕۊو جەهانی ژەنا رەنجدەری و کۊششکاریۆ ئەرەیاۋنێوەش وەڵا کەردۆ.

جە ئەرەیاۋناکەینە ئامان: ٨و مارسی پۍ ژەنا؛ جە دژوو سیستموو دەسەڵاڎداری سەرەڕاو قوربانیدای فرەی حۊڵ مڎا ئا ڕووەیە بە بیەی حەقەتینوو ۋێشا بەدەسبارا، ٨و ئاداری ڕەمزوو ژەنۍ ۋێڕاگێن، کە ئەقڵیەتوو پیای جە ۋەرا ۋەروو ژەنێنە ئاشکرا کەرۆ، سەروو ئا بنەمایۍ عالتەرین جوواب ئانەنە بە مدرامان پێشوازی جە ٨و مارسی کریۆ.

یەژاستار ئاماژەش پانەیچ کەردەن، جە ڕاو بە یەژاستاربیەیۆ ژەنی متاوۆ خاوەنداری جە ڕەنج، جەسڎە، ڕۆح و دڵوو ۋێش کەرۆ، ماچۆ: حەرپۊکەی بانگەوازوو ئێمە پۍ گرڎوو ژەنا ئانەنە، کە سەروو خەتەو ژەنۍ ئازاڎیی بۆ بە خاوەن هوشیاری یەژاستاری و  سەروو ڕێچکەو ژەنۍ بە یەژاستاربیەی ئێمە پێوەرە هەنگامە بنیەیمۍ، ئێمە خاوەنداری چا بەهایا ئازاڎیی کەرمۍ، کە وەشکریێنۍ، هەر ساتێوە ئی سەدەیە کەرمۍ بە ساتە وەختوو ئازاڎیی ژەنۍ.

حەر جە ئەرەیاۋناکەو یەژاستارینە ئامان کە، کۊشیای ئێمە پۍ ئازاڎیی ژەنان کە رابەر ئاپۆ پێسە داستانێو وسفش کەردەن و کۆدەکۍ مەژگ و پەنج هەزار ساڵەو پیایش وستۍ ۋەرووچەما و ڕاش ۋەروودەم و 'خودبیەینە' کەردۆ. واتش،"جەنگوو ئازاڎیی ئێمە کە جە ساراکاوە تا زیلانەکا، جە بێریتانەکاوە تا دۆغا ڤیانەکا سەرەمڕە بەردەواما، دلۍ ژەنانە دەسکۊتش خوڵقنا و بی بە ڕەمزوو ئانەی کە ئا گلێرگەی ژەنی چنەشەنە ئازاڎەنە ئاڎیچ ئازاڎ بۆ. ۋەروو ئانەی گرنگا ژەنی جە حەر مێڎانێنە با، فاڕاش پۍ سەنگەروو مدرامانی کە ئانەیچ بە مانەو دماییئاردەی بە مەژگوو پیای دەسدرێژیکارین. ڕاو ئانەیچە رێکوستەیۍ بەقوەتا. جە یاگێوەنە کە تەنیا ژەنێوە بێ رێکوستەی مەنۊوە دەسدرێژی، گێچەڵە کریۆ سەروو ژەنا، مشۊم ئامانجوو دڕندەیی مەژگوو پیای جە ئشناسنامەو ۋێش دوور وزیۊوە، پا ئەنەیاوایۆ تا ئا وەختەی کە تەنیا ژەنێوەیچ نەمەنۆ کە بێ رێکوستەی بۆ، مشۊم ئێمە درێژە بە کۊشیای ۋێما بڎەیمۍ.

جە دمادمایی ئەرەیاۋناکەینە ئاماژە پانەی کریان، کە ئێمە پێسە یەژاستاری وەعد مڎەیمۍ کە بە دڵنیاییوە ئاخێزوو ژەنا بە ئەنجام بیاونمۍ، ٨و مارسی جە رابەریما کە جوانی و ناوازەیی و پێگەو ئێژاو ژەناش فێرما کەرد، ئێژاتەرین هامڕاو ژەنا و حەرپاسە جە گرڎوو ژەنا تەری مبارەک کەرمێوە. گرڎوو گەشمەرڎا ئاخێزی بە رێز و پنەزانایۆ ویر مارمێوە".