ژەناو عەفرینی و شەهبای ئاهەنگوو ٨ ئادارینە قسێشا پەی ئاژانسوو هەواڵوو فوراتی (ANF)ی کەردێ.

سەرەتا ئەندامەو ڕاوەبەرەو یۆبییەی ئێزیدیاو عەفرینی مەریەم جندۆوە واتش: "ئێمەی ژەناوعەفرینی و ئێزدی، چی ڕوەنە بە درووشموو "بە ئیرادەو ژەنێ ئازاڎێ، سیاسەتوو قڕکەردەی و ئەرەگیرکاری و گۆشەگیری ماڕمێ" چێ جەمێ بیێنمێوە. ئەوەڵ ئی ڕوەیە جە ڕابەر ئاپۆی و ژەناو جیهانی مەبارەک کەرمێ و ماچمێ هەرچند سیاسەتوو ئەرەگیرکاری سەروو ژەناوە بەرا ڕاوە، ژەنی بە هێز و ئیرادێوە بەتینۆ مردێنە. چونکوم بە فیکر و فەلسەفەو ڕابەر ئاپۆی ڕاسیی ڕۆو ٨ ئاداری و ڕاسییی ژەنیشا ئشناسا. ڕۆو ئارۆی هەزاران ژەنێ ئامێنێ مەیدانەکا و مدرامانشا کەرد و ڕوەکەشا جە گرد لایێوە مەبارەک کەرد".

ئەدا عیفەت ئاکاشە خەڵکەو عەفرینی، چی بارۆ واتش: "هەردەم چاندوو عەفرینی پارێزنمێ. ٧ ساڵێ کۆچبەرێ هەرێموو شەهبای بێنمێ و هەڵای مدرامان کەرمێ. حەرچەند دوژمنێ و ئەرەگیرێ هەوڵێ بدا، حەرگیز نمەتاوانێ ئێمە جە چاندوو عەفرینی و چاندوو خاکەکەیما دوورێ وزاو. تا سەروو ئی زەمینیوە بژیومێ، هەردەم سەروو پایاو وێماوە مردمێ".

دمایی ئەندامەو ڕاوەبەروو ژەنا و بنەیانەو گەشمەردا، مەنال شێخۆوە واتش: "٨ ئاداری ڕۆو مدرامانی و ئازاڎیی ژەنێن. پێسە ژەناو شەهبای کوێ بیێنمێوە تا چەنی گردوو پێکئامایەکاو هەرێمەکەی زەماوندە گێڵنمێ و جە گردوو هەرێمەکەیش مەبارەک کەرمێ. ئەوەڵ ئی ڕوەیە وەنەو ڕابەر عەبدوڵا ئۆجالانی مەبارەک کەرمێ، وەنەو گردوو ژەناو جیهانی و ژەنە کرێکارا و گەشمەرداو ئی ڕێ، مەبارەک کەرمێ".