چالاکیی نیشتەیرەی وەردەمو بیناو نەتەوە یۆگێرتەکانە شارو ژنێڤو سویسراینە، پەی ماڕای گۆشەگیری سەرو ڕابەرو گەلو کوردی عەبدوڵا ئۆجالانی بەردەواما. چالاکیی ئی حەفتەیەنە کە چوارچوەو هەڵمەتەو "وەخت، وەختو ئازادیین" گرد چوارشەممێوە بەردەواما، قارەمانە نەمراو نەورۆزی یادێ کریێوە، سڵام کریا جە مزانیی پەکەکەی، کە ئی بەیانییە دریا بە گەلو کوردی و دۆسەکاش.

مستەفا ئاڵتونباش بە نامێ کۆمیتەو چالاکییەکەو گەشمەرداو مانگەو ئاداریوە کۆشیای ئازادیی کوردستانیش ویر ئاردۆ و ئەرەیاوناش گەلو کوردی چوارپارچەو کوردستانینە و ئەوروپانە گرد مەیانێوەنە مدرامانی گەورەشا نیشانە دان.

هامسەرۆکو ناوەندو جڤاکو کوردی دیموکراتیکو ژنێڤی، ئیبراهیم یوکسەل قارەمانا پێسەو مەزڵوم دۆغانی و سەما یوجەی و نیلگون یەڵدرمی و زەکیە ئاڵکانی و ڕەهشان دەمیرەلی یادێ کەردێوە، کە بە جەستەو وێشا ئاویرو نەورۆزیشا کەردۆ.  

یوکسەل ئەرەیاوناش وەڵێئاما و سەرکەوتەیەکاو ئی دماییە هەرێمەکاو پارێزنای مەدیاینە بە جۆشێوە گەورەوە لاو گەلو کوردی و دۆسکاشۆ خێرامایش کریان، هەرپاسە ئاماژەش پانەیە کەرد هەڵمەتەو "ئازادیی پەی عەبدوڵا ئۆجالانی، چارەسەری سیاسی پەی پەرسەو کوردی" بە پاگێرتەیرەیوە بەردەواما، سڵامش وەنەو چالاکیی مانگێرتەی جە واردەی کەرد و ئەرەیاوناش کۆشیای گەورەتەر کەرانێ و سەرێگنا.

چالاکییەکەنە بانگەواز کریا پەی بەشداربییەی جە ئاهەنگو نەورۆزی، کە سەعات ١٨:٠٠ وێرەگای مکریۆ.