ژەنە چالاکۍ کوردی، کە جە بواروو ژیۋگەینە هەرمانەکەرۊ، سەروو ئاستی میان دەوڵەتی خەڵاتوو “ژەناو پاڵەوانە و مافەکاو ژیۋگەیش پۍ ساڵەو ٢٠٢٣”، کە جە لایەنوو سەنتەروو جنێڤی پۍ مافەکاو مرۆڤی بەش کریۆ، بەدەس ئارڎ.
هێرۆ وەکیل-ە، چالاکە جە بواروو ژیۋگەینە، جە هەژماروو تایبەتی ۋېشەنە جە تۆڕەو کۆمەڵایەتی فەیسبووکینە ئەرەیاۋنانش، یووەنە جە براوەکا خەڵاتوو “ژەناو پاڵەوانەو مافەکا ژیۋگەی پۍ ساڵەو ٢٠٢٣”.
ئاماژەش پانەی کەرڎەن، ئا خەڵاتە جە لایەنوو سەنتەروو جنێڤی پۍ مافەکاو مرۆڤی بەش کریۆ، پېسە قەڎرگېرتەی جە حۊڵ و مانیایی ئا تاکا کە پەی وەڵېوستەی و پارېزنای مافەکا مرۆڤی جە سەرانسەروو جەهانینە هەرمانەکەرا.
خەڵاتەکاو سەنتەروو جنێڤی پۍ مافەکاو مرۆڤی، ساڵانە جە ڕۊو ١٠و کانوونوو یوۋەمی کە هاموەختوو ڕۊو جەهانیی مافەکا مرۆڤیا بەشۍ کریا، حۊڵېوەن پۍ قەڎرگېرتەی جە هەرمانۍ و مانیایی ئا کەسا کە بواروو مافەکاو مرۆڤیەنە کۊشیانە، بە مەڵامەتوو هاندایشا سەروو بەردەوام بیەی.
