ژەنە گەنجاو سەرنیشت و وەرکەوتوو سووریای سەوای بە دروشموو "بە ژەنی، ژیوای، ئازاڎی ئازاڎی بیاونە سەرکەوتەی" کۊبیەیۊیۍ جەماوەری ساز کەرا. ئامانجوو ئا چالاکییە پاڵپشتین جە سەرەوردای وەرکەوتوو کوردسانی و ئێرانی، کە دماو کوشیای "ژینا ئەمینی"یۍ دەسش پەنە کەرد و درێژەش هەن. کۊبیەیۊکە کە چنڎین چالاکیۍ هونەریێش چەنەنۍ، جە سەعات ٠٨:٠٠  کۊبانێنە دەس پەنە کەرۊ و تا سەعات ٢٢:٠٠ درێژەش بۊ.

سەبارەت پانەیە  قسەکەرەو یۊبییەی ژەنە گەنجاو هەرێموو فراتی "فریاڵ تەمی"یە قسێش کەرڎۍ. تەمی باسش چانەیە کەرد، کە ئا کەمپینەو کۊمەڵەو ژەنە گەنجا دەسش پەنە کەرڎەبۍ، بەتەمامی هەرێموو سەرنیشت-وەرکەوتوو سووریاینە وەڵا بییەنۊ و واتش: " بە دروشموو ژەنی، ژیوای، ئازاڎی ئازاڎی یاونە سەرکەوتەی" کۊبیەیۊیۍ سەروو ئاستوو سەرنیشت و وەرکەوتوو سووریای کۊبانێ-نە کریۊ. ئا هێزە کە ئارۊ ئا دروشمی بەرۊ ڕاوە و هاگاش چەنەشا ژەنی گەنجێنێ".

ژەنی بە مدرامان ئازاڎیی وێشا بەدەس مارا

تەمی باسش چانەیە کەرد دژوو دەسەڵاتداری و هجوومەکاو دوژمنی بەقووەتتەرین جوابەکۍ ژەنا دێنێوە لە لایەن پێسەیچ درێژەش دا بە قسا: "ئا ژەنێچە کە کوشیا و رووبەڕووۍ ستەموو دەسەڵاتی باوە، بە گیانوو دروشموو "ژەنی، ژیوای، ئازاڎی"  بەقووەتتەرین جواب مداوە و سیستموو دەسەڵاتداری دلێنە بەرا. ژەنی بە مدرامان و وێگێرتەی ئازاڎیی وێشا بەدەس مارا. وەختۍ ژەنی ئازادە بۊ، تەماموو گلێرگەی ئازاد بۊ".

سڵام چا سەرەوردایە کریۊ

فریاڵ تەمی-یە، سەروو ئا سەرەوردایە وەرکەوتوو کوردسانی و ئێرانینە درێژەش هەن، باسش چانەیە کەرد کە جە دژوو دەسەڵاتداری زارۊڵۍ، گەنجۍ، ژەنی و پیرۍ بە گیانوو "ژەنی، ژیوای، ئازاڎی" مجیێنێرە مەیدانەکاو داواو ئازاڎیی وێشا کەرا. تەمی-یە ئاخیرۊ واتش، "ئامانجوو چالاکییەکەیما کە سەوای کەرمێش، بەروستەی پەشتیوانین جە سەرەوردای ژەنی، ژیوای، ئازاڎی. ئێمە بە چالاکییەکەیما سڵام چا مدرامان و سەرەوردایە کەرمۍ کە بە سەرمەشقبییەی ژەنە گەنجا وەرکەوتوو کوردسانی و ئێراننە و نەمردان. کۊبییەیۊکە چالاکیۍ هونەرییش چەنەن. حەرپاسە چالاکییەکەنە سڵام جە مدرامانوو گەریلاکاو ئازاڎیی کوردسانی، وەراوەروو هجوومەکاو سوپای تورکی ئەرەگیری کریۊ".

س.ز