ھێزەکۍ ئېرانی جوۋانېۋی کورڎشا کوشت، گەلیچ ئاۋێرش جە خاڵېۋە ۋشکنای ۋەردا
ھېزەکۍ دۊڵەتو ئېرانی جە شارو بانەو ۋەرکەوتوو کورڎسانی دماو ئەشکەنجە دایۍ فرەی جوۋانێۋە کورڎشا کوشت. جە جوابو ئا کرڎەۋە ۋەحشېانېنە گەل ئاۋێرش جە خاڵېۋە ۋشکنای ۋەردا.
ۋێرەگاو ٢٢ۍ ئاداری "بێھزاڎ عەزیز"ی عومر ١٩ ساڵ کە خەڵکو دەگاو دەرگاشېخان و بانەیا جە لایەن و ھێزەکا دۊڵەتیۊ جە خاڵۍ ۋشکناینە مرڎناشاو ئەشکەنجەشا دا.
"بێھزاڎ عەزیز"ی ۋەران ۋەر پا ئەشکەنجەدایە مرڎاۋە، بەڵام ھېزەکۍ دۊڵەتی تەقەشە ۋنە کەرڎو کوشتشا. مەردمو بانەی ڕوۋەشا کەرڎە یاگۍ ڕوۋەداکەی ئێرشا جە سەیتەرەو ۋشکناکەی ۋەردا.
جەنازەو"بێھزاڎ عەزیز"ی فاڕیاۋە پۍ نەوەشخانە و سەلاحەدینی ئەیوبی جە شارو بانەی،خانەۋاڎەو کەسوکارو گەنجە کوشیاکەی ۋەردەمو نەۋەشخانەینە کۊبیېۋە.
ھ.ش
