دەنیز کایا بە نامێ زیندانییاو دۆزو پەکەکەی و پاژکیوە قسێش کەردە و ئەرەیاوناش، کە بە جۆشوخرۆش، مۆڕاڵ و باوڕێوە بەرزۆ خێرامای ونەو نەورۆزی مکەرانێ.

ئەوەڵو بەیاننامەکەو نەورۆزینە ڕابەری گەلو کوردی عەبدوڵا ئۆجالانی و هێزەکاو گەریلای، گەلو کوردی و گردو گەلە بندەسا جە کەسایەتیی کاوەی هامچەرخی مەزڵوم دۆغانی و فەرماندەو گەریلای مەحسووم کۆرکماز (عەگید)ی مەبارەک کەرا و ئیسمەت چارداشی کە ١٤ ئادارینە ئەنجامو سیاسەتو کوشتەی دەوڵەتو تورکینە زیندانەنە گەشمەردە بی و سەرجەمو گەشمەرداو کۆشیای ئازادیی بە ڕێز و حورمەتۆ یاد مکەرمێوە.

بەیاننامەکەنە ئامان، "مانگەو ئاداری هاموەخت چەنی مانگەو نەورۆزی، ڕۆو مدرامانی نەتەوەیی، مانگەو قارەمانێتیی نەتەوەیین، گەلەکەما گرنگیی تارێخیی ئا دووە ڕاسییە تارێخییا مزانۆ، بەردەوام بەڕێزدارییوە یادش مکەرۆوە. ڕاسا پەی وەڵێوەلوای و سەرکەوتەی بە مدرامان و وێگێریێوە گەورە خێرامای ونەو نەورۆزو ئێساڵی مکەرمێن، کە تارێخوو ئینسانیەتینە یاگێوە گەورێش هەنە و مانێوە گەورێچ.

نەورۆز ئیرادێوە گەورەو ئازادی و سەرەورداین، دژو کۆیلایەتی و ستەمی، نیشانێ ئیرادەی ئازادین دژو کۆیلایەتی و خیانەتی."

ئەرەیاونایەکەنە ئامان، کە ٢١ ئاداری دەنگو ئازادو کوردین، ئی دەنگە ئارۆ بە مدرامانو ڕابەر ئاپۆی و پەکەکە-پاژک گردگیر بییەنۆ". بە ڕەنگو ژەنێ ئازادێ، بە دروشمو 'ژەنی، ژیوای، ئازادی'ی، فاڕیا پەی ئاویرو ئازادیی هەمەلایەنەی.

'سڵام وەنەو هێزەکاو گەریلای مکەرمێ'

ئی ڕاسییە شکۆمەندە کە تارێخەنە یاگێوی گرنگەش هەنە، بە ڕاسیی ڕابەرایەتیی نیم سەدە دماو وێش جیا ئاستەن و چەنی ڕاسیی پەکەکە-پاژکی کە خوڵقنانش، بەردەواما، مبۆ بە چراوەو هومێدو گەلا، تەختو تاریکیی ستەمکارا ورشانۆنێ و ڕاسیی کۆمەڵایەتیی خوداوەندی بنیات منیۆ. هێزو گەریلای فیدایی بە ڕۆحو نەورۆزیوە جەنگ مکەرانێ. سڵام جە هێزەکاو گەریلا فیداییەکا مکەرمێ، کە بە هەوڵ و فیداکاریێوە فرەوە کۆشیانێ. گەریلاکاو  ئازادی کە قۆناغی تازەو کۆشیاینە گورزی قورس وەنەو دوژمنی مدانێ و دماجار بە سیستمو وەرگێری هێزی ئاسمانی دوژمنشا دلێنە بەرد، جارێوە تەر نیشانەشا دا، کە نەبەزیێنێ. ئێمە بە بۆنەو سیستمو وەرگێریی ئازادیوە، کە لاو ناوەندو پارێزنای گەلیوە ئاشکرا کریان سڵام و مەبارەکبایی مکیانمێن.

'پێویسا ٣١و ئادارینە جوابی پێویس بدریۆوە'

 درێژەو بەیاننامەکەینە ئاماژە بە ورچنییەکاو دلێ، ٣١و ئازاری کریان و وچیان، "پێسەو شۆڕشگێڵناو پەکەکەی و پاژکی، داوا وەنەو گەلەکەیما و گەلا مکەرمێ، کە ٣١ ئادارینە دژو عەقڵیەتو ئاکەپە-مەهەپەی کۆشیا و جوابی پێویس بداوە بە بکوشەکا و دزەکا و ورچنیەیەکانە سبییەێوە تاریخی بگێڵنا."

'پێشمەرگە مشۆم چەنی گەریلای یەک بەرەنە بانێ'

لە درێژەی بەیاننامەکەینە داواو وەنەو گەلو کوردی کریا، کە هەڵوێستوە قەوەت دژو پەدەکەی نیشانە بدانێ، کە ڕا بە سوپای فاشیستێ مدۆ جە هەرێمەکاو پارێزنای میدیاینە و وچیان، "پەی پارێزنای یۆبییەی نەتەوەیی و جیهانی، پەی بنیاتنیای کوردستانێوە ئازادی و پاککەردەیۆ خاکو کوردستانی جە بنکە گڵیاوەکاو تیرۆریستانە، داوا وەنەو هیزو پێشمەرگەی مکەرمێن، بە ڕۆحو پارێزنای هامبەشی چەنی گەریلا قارەمانەکا هەمان وەختنە جە یەک بەرەو جەنگینە، سەرکەوتەی مسۆگەر بکەران.