یەک لەو کەسایەتییانەى دەستپێشخەریی چالاکیی 'ئازدی بۆ ئۆجالان' یان دەستپێکرد رەیمار حەیدەر-ە، کە بۆ ئازادیی ڕێبەری گەلی کورد عەبدوڵا ئۆجالان کەمپەینی نێونەتەوەیی ڕێکخستووە و لە جیهاندا بۆ ناساندنی فەلسەفەی ئۆجالان خاوەن ڕۆڵە. رەیمار حەیدەر دەربارەی چالاکیی ئێشکگرتن لە ستراسبۆرگ کە پێی ناوەتە ٧هەمین ساڵەوە، دوا و جەختی لەوە کردەوە، کە بۆ داوای ئازادیی ئۆجالان، کورد لەسەر پێن و وتیشی "ئەم دەستپێشخەرییەی 'ئازادی بۆ ئۆجالان' مانایەکی گەورە دەدات بە چالاکییەکانی ئیشکگرتنی ماوە درێژ. یەک لەو خاسیەتانەی کە چالاکییەکە تایبەت دەکات ئەوەیە، کە سەرەڕای هەموو بارودۆخێکى کەش و هەوا و فشارەکان، هێشتا هەر بەردەوامە. کلتور و پیشەی جیاواز لە گەلان بەشداری چالاکییەکە دەکەن".

حەیدەر سەرنجی ڕاکێشایە سەر گۆشەگیرکردن و دابڕاندنى بەردەوام و وتی "ئەم چالاکییە تاکە رێگەیە بۆ ئەوەى ئۆجالان بە ڕێکخراوەکانی سەر بە پەرلەمانی ئەوروپا بگەیەنرێت. هەروها بۆ ئەوەى گرنگی ئۆجالان بۆ کوردان و ڕۆژهەڵاتی ناوین بەو ڕێکخراوانە تێبگەیەنین، چالاکیی ستراسبۆرگ زۆر گرنگە. ئەم چالاکییە بەو ئەرکە هەڵدەستێت، کە بە بەردەوامی ئەرک و بەرپرسیارێتیی پەرلەمانی ئەوروپا و کۆمیتەی بەرگری لە ئەشکەنجەی سەر بە زیندانیانی سەر بە ئەوروپا 'سی پی تی' بە بیریان بێنێتەوە".

ڕێکخراوەکانی ستراسبۆرگ چاوپۆشی دەکەن

حەیدەر باسی لەوەش کرد، سەرەڕای فشاری ڕای گشتی، ڕێکخراوەکانی ستراسبۆرگ ئەرکی خۆیان بەجێناهێنن و وتیشی "ئەوەی  هیچ کاردانەوە و هەڵویستیان نییە بۆ ئازادی ئۆجالان، گرێدراوی ئەو پەیمانانە نییە، کە خۆیان ئیمزایان کردووە. سەرەڕای ئەوەی ناوی خۆیان ناوە کۆمیتەی بەرگرتن بە ئەشکەنجەی سەر زیندانیان، بەڵام چاوی خۆیان دادەخەن لەبەرامبەر گۆشەگیری، شەرت و مەرجی قورس و سەختی ئەو گرتووخانەیە لە سەر بەڕێز ئۆجالان. مەخابن نەک تەنها ڕێکخراوەکانی ستراسبۆرگ، بەڵکو ڕێکخراوی لێبوردنی نێودەوڵەتی و ڕێکخراوی چاودێریی مافەکانی مرۆڤیش بەهەمان شێوە دەجوڵێنەوە و چاویان داخستووە لەبەرامبەر بارودۆخی سەختی بەڕێز ئۆجالان لە زینداندا".

کتێبەکانی ئۆجالان وەرگێڕدراونەتە سەر ١٤ زمان

حەیدەر، دەربارەی کتێبەکانی ئۆجالان وتیشی "ئەوە گرنگییەکی گەورەی هەیە، کە کتێبەکانی ئۆجالان وەرگێڕدراون بۆ سەر ١٤ زمان و دەناسێنرێن. بۆئەوەی ئەو کتێبانە و ناوەڕۆکەکەی بە گەلانی دنیا ئاشنا بکەن، ژمارەیەکی زۆر سیمینار و کۆڕ و کۆبوونەوە سازدراون و ئەو چالاکییانەش بەردەوامیان هەیە.

کۆنفرانسی مۆدێرنیتەی دیموکراتیک رێکدەخرێت

رەیمار حەیدەر سەرنجی ڕاکێشایە سەر ٢٠هەمین ساڵوەگەڕی گەلەکۆمە نێودەوڵەتییەکەی دژ بە ئۆجالان و جەژنی ٧٠هەمین ساڵەی لەدایکبوونی ڕێبەری گەلی کورد عەبدوڵا ئۆجالان و وتی "لەو چوارچێوەدام ئێمە بۆ جاری چوارەم لە شاری هامبۆرگی ئەڵمانیا، کۆنفرانسی مۆدێرنیتەی دیموکراتیک ساز دەدەین".

خۆیان گەیاندووەتە سەدان هەزار کەس

یەک لە نوێنەرەکانی هەدەپە لە ئەوروپا فایەق یاگیزای-یە، کە لەسەرەتای دەستپێکردنی چالاکیی 'ئازادی بۆ ئۆجالان' چاودێریی چالاکییەکە دەکات و ئاماژە بەوە دەکات کە شاندی نێونەتەوەییشیان تێدایە.

یاگیزای وتیشی "بە چالاکیی بیرۆکراتی، ئەو کەسانەی کە لە شارەکەدا دەژین و گەشتیارانیش کە لە چواردەوری دنیاوە ڕوو لە ستراسبۆرگ دەکەن، ئاگادار کردووەتەوە. تێڕوانینی ڕێکخراوە نێودەوڵەتییەکان و مرۆڤەکان لەبارەی ئۆجالانەوە گۆڕدراون. ئەو تێڕوانینە خراپەی، کە بە پڕوپاگەندەی وڵاتانی ئەوروپا و تورکیا دروستکرابوو، گۆڕدراون و هاوسۆزی بۆ پرسی کورد و ئازادی ئۆجالان هاتووەتە ئاراوە".

یاگیزای وتیشی "بەم چالاکیی ئێشکگرتنە خۆیان گەیاندووەتە سەدان هەزار کەس و هەروەها بە سەدان هەزار بەیاننامە و برۆشوور لە بارەی بارودۆخی سەختی ئۆجالان لە زینداندا، بڵاوکراونەتەوە".

لەبەشێکی تری قسەکانیدا، یاگیزای بەبیری هێنایەوە کە لە ماوەی چەند ساڵی ڕابردوودا کە بە دروشمی 'ئازادی بۆ ئۆجالان' لە کەمپەینێکدا ١٠ ملیۆن ئیمزا کۆکرابوونەوە و وتیشی "ئەوکات ئەو کەمپەینەش بە ئەرکی چالاکی ئێشکگرتن هەستابوون".

هەتا مردن لەناو چالاکیدا بوو

لە سەرەتای دەستپێکردنی چالاکی ئێشکگرتنی 'ئازادی بۆ ئۆجالان'دا بۆ ماوەی سێ ساڵ، مونزور ئەمەکچی ئەو چالاکییەی ڕێکدەخست و وردە وردە لەگەڵ چالاکییەکەدا بوو بوو بەیەک. مونزور لە ساڵی ٢٠١٥دا بەهۆی نەخۆشییەوە نەیتوانی چیتر ئەو چالاکیە ڕێکبخات و ڕادەستی هەڤاڵەکانی تری کرد. دواتر و لە نیسانی ٢٠١٦دا، مونزور گیانی لەدەستدا.

رۆژدا ئەمەکچی هاوژینی مونزور ئەمەکچی لە جێگەی هاوسەرەکەی ئەو بەرپرسیارێتییەی لە ئەستۆ گرتووە و بەردەوامیی پێدەدات. ڕۆژدا ئەمەکچی وتی "مونزور پێی وتم تاوەکو مردن بەردەوام دەبێت لەو چالاکییە و هەر واشیکرد".

ڕۆژدا ئەمەکچی جەختی لەوەش کردەوە، کە بەهۆی ئەو چالاکییەوە توانیوییانە خۆیان بگەیەنن بە سەدان هەزار مرۆڤ و دەرفەتی ئەوە دروست بووە، کە بەم چالاکیەی سەدان هەزار مرۆڤ ئۆجالان بناسێت و لە فیکر و فەلسەفەکەی تێبگات. هەروەها گرنگە کە مرۆڤەکان بزانن ئۆجالان لە چ شەر ت و مەرجێکی سەختدا بە دیلگیراوە و لە زینداندا راگیراوە.

 لە بەشێکی تری قسەکانیدا ڕۆژدا ئەمەکچی سەرنجی ڕاکێشایە سەر ڕۆڵی ژنان، گەنجان، بەتەمەنەکان و بنەماڵەی شەهیدان و وتی "سەرەڕای ئەوەی کەش و هەوا خۆش نەبووە، بە تایبەتی سەرمای زستان، باران، گەرمای هاوین، بەڵام ئەوان هەمیشە دەهاتن و بەشداریی چالاکییەکە دەبوون. ئەگەر فیداکاریی ئەوان نەبوایە، ئێمە نەماندەتوانی بە تەنها بەردەوامی بەم چالاکییە بدەین. بەم مانایەوە ئێمە خاوەنداریمان لە چالاکییەکە کرد. هاوسەرەکەم هەمیشە دەیوت 'ئەگەر من بە تەنهاش بمێنمەوە، هەتا سەرۆک ئازاد نەبێت، بەردەوامی بەم چالاکییە دەدەم. هەتا مردن بەردەوامیی بە چالاکییەکە دەدەم'، هەروەها دەیوت 'ئەمە مەسەلەی شکۆ و کەرامەتە. خۆی لەخۆیدا ئەمە شۆرشگێڕییە'".

ڕۆژدا ئەمەکچی وتیشی، مونزور ئەمەکچیی هاوسەریى وتویەتى "ئەگەر نەتوانم بە تەنها شتێک بکەم، بەڵام دەبێت لە پرۆسەى  ئازادیی بۆ ڕێبەرێتیدا ئامادە بم". هەمیشە دەیوت "ورە و نوێنەری من سەرۆکی منە و هەتا مردن گرێدراوی ئۆجالان دەبم". هەر ئەوەشیکرد و تاوەکو دوا هەناسەى پێبەند بوو بەو گرێدانەیەوە، کە بە ئۆجالان هەیبوو.

 

 

ر.م