له‌ پارێزەرانی رێبەری گەلی كورد عه‌بدوڵا ئۆجالان هه‌ر یه‌ك له‌ رازیە ئۆزتورك، رێزان ساریجا، فایق ئۆزگور ئەرۆڵ و عمران ئەمەكچی بەمەبەستی چاوپێكەوتن لەگەڵ رێبەر ئۆجالان سەردانی بەرێوەبەرایەتی كۆماری بۆرسایان و بەرێوەبەرایەتی زیندانی ئیمرالیان كرد.

رێبەری گەلی كورد عەبدۆڵا ئۆجالان لەساڵی ١٩٩٩ەوە كە بەپیلانگێڕیەكی نێونەتەوەیی دەستگیركرا، لەزیندانی جۆری ئێف لەژێر چاودێریەكی توندوتۆڵ و قورسدا لەئیمرالی و لەژێر گۆشەگیری هەرە دژوار و قورسدا راگیراوە.

جێگای ئاماژەیە؛ دوایین جار لە رێكه‌وتی ٢٥ی ئاداری ساڵی ٢٠٢١دا لەگەڵ براكەی بەرێگەی تەلەفۆن قسەی كردووە و ئەو دیالۆگەش لەنیوەدا بڕابوو.

پارێزەرانی رێبەری گەلی كورد؛ عەبدۆڵا ئۆجالان دوای هەشت ساڵان لە ٢٢-٢ گوڵان، ١٨-١٢ حۆزەیران و ٧ی ئابی ٢٠١٩ توانیان چاویان پێبكەوێت. لە ٧ی ئابی ٢٠١٩ەوە بەدواوە وەڵامی هەموو سەرلێدانەكان نەدراوەنەتەوەو، بێ وەڵام ماونەتەوە.

هـ . ب