ئەندامی کۆنگرەی نەتەوەیی کوردستان (کەنەکە) فریاد هیرانی کە لە نەخۆشخانە چارەسەری وەردەگرت، گیانی لەدەستدا. بنەماڵەی فریاد هیرانی و کوردستانیان بۆ ماڵئاویکردن لە تەرمەکەی لە بەرلین کۆبوونەوە.

پاش بەجێگەیاندنی ڕێوڕەسمە ئاینیەکان، ئەندامی کەنەکە نەیلوفەر کۆچ قسەیکرد و سەرەخۆشی بۆ بنەماڵەکەی خواست.

نەیلوفەر دیاریکرد لەگەڵ فریاد هیرانی ٦ ساڵ پێکەوە کاریانکردوە و وتی: "هاوڕێمان هەم هونەرمەندێکی باش و هەم ڕۆژنامەنوسێکی باشبوو، هۆشمەندی نەتەوەی زۆر پێشکەوتووبوو کاتێک باسی کەنەکە دەکرا هاوڕێ فەرهاد دەهاتە بیری مرۆڤ. پشتمان پێدەبەست. هاوڕێ فەرهاد خەبات و تێکۆشانی بۆ کوردستانێکی ئازاد تەرخانکرد. بەڵێن دەدەین بۆ بەجێگەیاندنی خەونی هاوڕێ فەرهاد، دەست لە تێکۆشان هەڵناگرین".

ئەندامی کەنەکە مەجید حەسۆ ئاماژەی بەوەکرد: " لە ١٨ ساڵیەوە تێکۆشانیکرد تا لە وڵاتێکی ئازاد دا بژێت. لە کەرکوکەوە هەتا شەنگال، لە عەفرینەوە هەتا کۆبانێ لە هەر گۆڕەپانێک کە بەرخۆدان و  تێکۆشان هەیە، فەرهاد لە دژی هێرشی دڕندانە لەسەر کوردستان یەکەم جار دەچوە ئەو هەرێمە. وەک هاوڕێیانی ئەو لە ئەرکی خۆمان بەردەوام دەبین و درێژە بە تێکۆشانەکەی دەدەین".

تەرمی هیرانی لە ڕۆژی شەممە کاتژمێر ١٠:٠٠ لە هەولێر بەخاک دەسپێرێت.