دۆخی زیندانی نەخۆش سەیفەدین دەمهات ڕۆژ بە ڕۆژ خراپتر دەبێت. شەنگوڵ مارتی کە یکێکە لە ئەندامەکانی بنەماڵەی دەمهات دەستنیشانی کرد کە دەوڵەتی تورک لە زیندانەکاندا تاوان ئەنجام دەدات و داوای کرد کە ئەم تاوانانە بوەستێندرێت.
دەمهات کە زیندانییەکی نەخۆشە بەهۆی کێشە و هەلو مەرجەکانی زیندان ڕۆژ بە ڕۆژ باری تەندروستی خراپتر دەبێت، ئازاری ماسولکە و جومگەکانی زیاد بوو. هەروەها بەردەوام تووشی گرژبوونی دڵ دەبێت.
مارتی وتی: "سەرەڕای نەخۆشی سەخت، براکەی ماوەی ٩ ساڵە لە زیندانی وان دەستبەسەرکراوە".
مارتی سەرنجی خستە سەر مانگرتنی زیندانیان لە خواردن بۆ ئازادیی ڕێبەری گەلی کورد عەبدۆڵلا ئۆجالان و وتی: "دەبێت هەمووان پشتیوانی بکەن لە مانگرتنی زیندانیان و نۆبەتی دادپەروەری کە لە دەرەوەی زیندانەکان بەڕێوەدەچێت. دەبێت ئێمە بە چالاکییەکانمان لە جیهاندا دەنگ بدەینەوە. داوا دەکەین کە ڕێبەرمان و هەموو زیندانیانی سیاسی ئازاد بکرێن. زۆر زیندانی تر وەک براکەی من نەخۆشن، ئەمەی کە دەکرێت تاوانێکی گەورەیە دژ بە مرۆڤایەتی. داوا لە دەوڵەت دەکەین کە "ئیتر ئەم کارانە بەسە".
