بنەمالەی عەبدۆڵلا ئۆجالان بۆ چاوپێکەوتن داواکارییان پێشکەش کرد
بنەماڵەی ڕێبەری گەلی کورد عەبدۆڵلا ئۆجالان و زیندانیانی تری ئیمراڵی، داواکارییان پێشکەش بە داواکاری گشتیی بورسا و بەرێوەبەرایەتی زیندانی ئیمراڵی کرد.
ڕێبەری گەلی کورد عەبدۆڵلا ئۆجالان لە زیندانی ئاسایشی بالای لقی (ف)ی ئیمراڵی لە ژێر کۆشەگیریەکی سەختدایە و هیچ زانیارییەک لەسەری نادریت. برای عەبدۆڵلا ئۆجالان محەمەد ئۆجالان و مەزڵوم دینچی پارێزەر بۆ ئەوەی چاویان بە ڕێبەری گەلی کورد عەبدۆڵلا ئۆجالان بکەوێت، داواکارییان پێشکەش بە داواکاری گشتی بورسا و بەڕێوبەرایەتی زیندانی ئیمرالی کرد.
عومەر خەیری کونار، حەملی یڵدرم و وەیسی ئاکتاشیش لە لە زیندانی ئیمراڵی دەستبەسەر کراون. عەلی کونار برای عومەر خەیری کونار، پۆلات یڵدرم برای حەملی یڵدرم و مەلیحە چەتین خۆشکی وەیسی ئاکتاش بۆ ئەوەی چاویان بە براکانیان بکەوێت داواکارییان پێشکەش بە داواکاری گشتی بورسا و بەڕێوبەرایەتی زیندانی ئیمرالی کرد.
بە بیانوی "سزای دیسیپلین" ڕیگری دەکریت لە چاوپێکەوتن لەگەل ڕێبەری گەلی کورد عەبدوڵلا ئۆجالان و ٣ زیندانی تر. سەرەرای هەموو ئەو داواکاری و نارەزایەتیانە، هۆکاری سزاکان و ژمارەی دۆسییەکان نادرێت بە پارێزەران.
