پاش دەستبەسەرداگرتنی شارەوانی دێرسیم، قەیوم ژمارەیەک کرێکاری لەکار دوورخستەوە، کرێکاران ١٦٠ ڕۆژە بەرخۆدان دەکەن، ناڕەزایەتییان دەربڕی بەرامبەر بێدەنگی کۆنفیدراسیۆنی سەندیکاکانی کرێکارانی شۆڕشگێڕ (DÎSK).
کرێکارە دوورخراوەکان لە ١٦ ی حوزەیران، ڕۆژی دووشەممە کاتژمێر ١٨:٣٠ لە گۆڕەپانی هونەری تا گۆڕەپانی سەید ڕەزا ڕێپێوان دەکەن. بانگەوازیان لە گەل و کۆنفیدراسیۆنی سەندیکاکانی کرێکارانی شۆڕشگێڕ (DÎSK) کرد بۆ بەشداریی لە ڕێپێوانەکە.
لە ڕاگەیاندراوە نووسراوەکەیاندا دووپاتکراوەتەوە کە کۆنفیدراسیۆنی سەندیکاکانی کرێکارانی شۆڕشگێڕ (DÎSK) خاوەنداری لە بەرخۆدانی ئەم کرێکارانە نەکردووە و هیچ شتێکی لەم باریەوە نەگوتووە. داوا دەکەن گەل و کۆنفیدراسیۆنەکە بەشداری ڕێپێوانەکەیان بکەن.
