چالاکییەکە لە گۆڕەپانی ڤیوکس – پۆرت لە شاری مارسیلیای فەرەنسا بەڕێوەدەچێت و کوردستانیان لە شارەکانی بۆردیوکس، مۆنتپیلیر، مارسیلیا و دراگوینگان کۆبوونەتەوە و چالاکییەکە بەرێوەدەبەن.

ئەنجومەنی ژنانی ئارین میرکان لە چوارچێوەی کەمپەینی "دادگایکردنی دیکتاتۆر" لە چالاکییەکەدا ئیمزایان کۆکردووەتەوە و چالاکوانانی بزووتنەوەى گەنجانی شۆڕشگێڕ (تەجەشە)ش "کتێبخانەى رێبەرایەتی"یان بە هاووڵاتییانی سنووری چالاکییەکە ناساند.

گیونکار گوڵتەکین بە ناوی تەجەشەەوە سڵاوی لە سەرکەوتنی گارە کرد و داوای لە گەنجان کرد، بەشداری لە چالاکییەکاندا بکەن.

سوڵتان یڵدز لە شاری بۆردیوکسەوە بۆ بەشداریکردن لە چالاکییەکەدا هاتبوو و داوایکرد، وڵاتپارێزان و ئازادیخوازان پشتیوانی لە چالاکییەکان بکەن و تیایاندا بەشدار بن.

بە درێژایی رۆژ و لە چالاکییەکەدا سرود و گۆرانیی کوردی وترایەوە.

محەمەد عەلی ئایادی هونەرمەندی شێوەکاری سەر شەقام لە شوێنی چالاکیی چادرەکەدا وێنەى عەبدوڵا ئۆجالان رێبەری گەلی کوردی کێشایەوە.

ژ.ت