لە ئیزمیر بەرەبەیانی زوو پۆلیس هەڵیانکوتایە سەر زۆربەی ماڵانی شارەکە و ٤ کەسیان دەستبەسەر کرد. زانرا کە لە میانی هەڵمەتەکەدا چالاکوانی بزووتنەوەی ژنانی ئازاد (تەژەئا) ئەمینە ئینان، هاوسەرۆکانی کۆمەڵەی هاوکاری و پشتیوانی ئەوانەی کەسوکاریان لە ئانادۆڵ لەدەستداوە (ئانیکاندەر) ڕەحیمە توران و میکایل عاتان و بەڕێوەبەری کۆمەڵەکە زەریفە سونگور دەستبەسەر کراون.

هێشتا هیچ زانیارییەک سەبارەت بە هۆکاری دەستبەسەرکردنەکان بەدەست نەهاتووە. پاش پشکنینی تەندروستی دەستبەسەرکراوان ڕەوانەی ئیدارەی ئاسایشی ئیزمیر لە چانکایا کراون.