جەنگاوەرانی شیار عەفرینی هەبەدەهە ئاشكرایانکرد لە ١٩ی  ئەیلولدا لە کۆڵانی کەرەمی گەڕەکی دودولوی ناوچەی عومرانیەی ئەستەنبوڵ لە کاتژمێر ٠٣:٠٠ی بەرەبەیاندا گڕییان لە کارگەیەکەی مۆبیلیات بەرداوە کە خاوەنەکەی بەڕێوەبەرێکی ئاکەپەیە لە ناوچەکەدا.

'چالاکییەکە دیاری شەهید هەبوون و بۆتانە'

جەنگاوەرانی شیار عەفرین (لوقمان ئیسماعیل) لە ڕاگەیاندراوەکەیاندا ئاماژەیان بەوەداوە لە ئەنجامی چالاکییەکەیاندا کارگەکە بە تەواوی سوتاوە و وتییان ئەم چالاکییە دیاری بە 'هاوڕێ هەبوون و بۆتان' کردووە کە لە ١٥ی ئەیلولدا لە ئامەد شەهیدبوون.

هەر لە ڕاگەیاندراوەکەدا ئاماژە بەوەدراوە تا کۆتایهێنان بە هێرشەداگیرکارییەکانی سەر خاکی کوردستان و گۆشەگیری سەر زیندانیانی سیاسی، درێژە بە چالاکیەکانیان دەدەن لە گەورە-شارەکانی تورکیادا.