ئەندامانی شاندی ئیمراڵیی دەم پارتی، سری سورەیا ئۆندەر و پەروین بوڵدان و ئەحمەد تورک، لە زیندانی جۆری F ی ئەدرنە سەردانی هاوسەرۆکی گشتی پێشووی پارتی دیموکراتیکی گەلان (هەدەپە)، سەڵاحەدین دەمیرتاش و سەرۆکی پێشووی شارەوانی ئامەد سەلجوق میرزاکلیان کرد.

سری سورەیا ئۆندەر پاش سەردانەکە گوتی: "سەڵاحەدین دەمیرتاش و سەلجوق میرزاکلی سڵاویان هەیە. تەندرووستیان باشە. پشتگیری تەواوی پرۆسەکە دەکەن. سەڵاحەدین دەمیرتاش لە هەژماری دیجیتاڵی تایبەت بە خۆی لێدوانی بەرفراوانی دەبێت".