کەجەکە رایگەیاند، کە لە رێگەی رێپێوانی کۆڵنەوە هەڵمەتی ئازادی کە لە ١٠ی تشرینی یەکەمی ٢٠٢٣ دەستیپێکردبوو، چووە قۆناغێکی نوێوە و ورایگەیاند، "ئێمە داوا لە گەلەکەمان، دۆستانمان، ژنان، گەنجان و هەموو ئازادی خوازان و دیموکراسیخوازان دەکەین، کە زیاتر پەرە بە کار و خەباتیان بدەن، لە چوارچێوەی هەڵمەتی ئازادیدا لە هەموو شوێنێک خۆیان بگەیەننە ملیۆنان کەس و هەڵمەتەکە بگەیەننە سەرکەوتن".

راگەیەندراوەکەی کەجەکە بەم جۆرەیە: "لە چوارچێوەی هەڵمەتی ئازادی کە بە دروشمی 'ئازادی بۆ رێبەر ئاپۆ، چارەسەری بۆ پرسی کورد' لە ١٧ی شوباتی ٢٠٢٤ لە شاری کۆڵن رێپێوان و گردبوونەوەیەکی گەورە سازکرا. لە سەر بانگەوازی رێکخراوە کوردستانیەکان لە ئەوروپا و دۆستانی گەلی کورد، بە دەیان هەزار کەس بەرەو گۆڕەپانی گردبوونەوەکە رێپێوانیان کرد و بە سەدان هەزار کەسیش گردبوونەوەیەکی شکۆمەندیان سازکرد. سڵاو لەو گردبوونەوە شکۆمەند و واتادارە دەکەین، گەلە وڵاتپارێزەکەمان کە بەشداری لە گردبوونەوەکەدا کردووە و هەروەها سەرجەم ئەوانەی رەنج و ماندووبونیان کێشاوە، پیرۆزباییان لێدەکەین. دۆستان، ژنان، گەنجانی ئینتەرناسیۆناڵیست کە بۆ ئازادی جەستەیی رێبەر ئاپۆ و چارەسەری دیموکراتیکی پرسی کورد، بەرپرسیارێتی لە ئەستۆ دەگرن، پێشەنگایەتی بۆ هەڵمەتی ئازادی دەکەن، پیرۆزبایی لە سەرجەمیان دەکەین، سڵاو لە هەوڵەکانیان دەکەین، سڵاو و رێزیان پێشکەش دەکەین. ئەوان هەڵوێستێکی زۆر گرنگ، زۆر واتاداریان نیشاندا. گەلی کورد هەوڵ و هەڵوێستی ئەوان لە پشتیوانی لەگەلی کورد زۆر بە نرخ دەبینێت.

بە رێگەی رێپێوان و گردبوونەوەی گەورەی کۆڵنەوە هەڵمەتی ئازادی گەیشتە سەدان هەزار کەس و بەم جۆرە پێینایە قۆناغێکی نوێوە. ئەو قۆناغەش بە جەماوەریبوونی هەڵمەتی ئازادییە. هەڵمەتی ئازادی کە دۆستانی گەلی کورد لە ١٠ی تشرینی یەکەمی ٢٠٢٣دا دەستیان پێکرد و پێشەنگایەتیان بۆکرد، بە گردبوونەوەی ١٧ی شوباتی ٢٠٢٤ بە جەماوەری بوو و گەیشتە قۆناغێکی نوێ. لەو بڕوایەداین کە لە ئێستا بە دواوە هەڵمەتی ئازادی لە هەموو شوێنێک، لە چوار پارچەی کوردستان و لە دەرەوەی وڵات بە بەشداری ملیۆنان مرۆڤ جەماوەریتر دەبێت. لەسەر ئەو بنەمایە داوا لە گەلەکەمان، دۆستانمان، ژنان، گەنجان، هەموو ئازادیخوازان و دیموکراسی خوازان دەکەین، کە کار و خەباتیان فراوانتر بکەن، لە چوارچێوەی هەڵمەتی ئازادیدا لە هەموو شوێنێک خۆیان بگەیەننە ملیۆنان مرۆڤ و هەڵمەتی ئازادی بگەیەننە سەرکەوتن".

هـ . ب