لە شاری دارمشتادی ئەڵمانیا بە دەسپێشخەریی ڕێکخراوە عەلەوی و کوردەکان بە ئامانجی شەرمەزارکردنی کۆمەڵکوژی عەلەوییەکان لە سوریا گردبوونەوە و زۆر کەس بەشداربوون.

پاش خولەکێک ڕێزگرتن لە قوربانیانی عەلەوییەکان، چالاکوانان ڕایانگەیاند زیاتر لە هەزار خەڵکی سڤیلی عەلەوی لەنێویاندا منداڵ و ژن و پیر و گەنج لەلایەن چەکدارانی دەستەی تەحریر ئەلشام (هەتەشە) کوژراون، بانگەواز لە دادگای مافەکانی مرۆڤی ئەوروپا و نەتەوە یەکگرتووەکان کرا، هەڵوێست وەربگرن بۆ وەستاندنی کۆمەڵکوژییەکان.

چالاکوانان بێ وەستان درووشمی "عەلەوییەکان تەنها نین" و "هەتەشە دەست هەڵبگرە لە گیانی عەلەوییەکان"یان بەرزکردەوە.

لە گردبوونەوەکەدا جەختکرایەوە تێکۆشان دژی هێرشەکانی سەر کۆمەڵگەی عەلەوی بەردەوام دەبێت.