کۆنفیدراسیۆنی کۆمەڵگەی کوردستانیان لە ئەڵمانیا (کۆن-مەد) و پێنج فیدراسیۆنی سەر بە وی، لە شاری دارمشتاتی ئەڵمانیا کۆبوونەوە، بانگەوازیان کرد بۆ بەشداربوون لە ڕێپێوانی ١٧ ی شوبات لە شاری کۆڵنی ئەڵمانیا.

لە کۆبوونەوەکەدا، هاوسەرۆکانی فیدراسیۆنەکە ئامادەبوون، وتوێژ و پێشنیارکرا دەربارەی ئامادەکارییە پێشوەختەکان بۆ ڕێپێوانەکە. پێکهاتەکانی فیدراسیۆنەکە ڕایانگەیاند چاوەڕێن سەدان هەزار کوردستانی بەشداری ڕێپێوانەکە بکەن و دەڵێن: "ئامانجمانە لەڕێگەی ئەو کۆمیسیۆنانەی بە ڕۆحی سەفەربەریەوە دامەزراون، لە ٧ تا ٧٠ ساڵی خۆمان بگەیەنینە هەموو کەسێک".