کوردستانیان لە گۆڕەپانی ماینترۆرگێت لە بەردەم بینای پەرلەمانی سوید کۆبوونەوە و بۆ ئازادیی عەبدوڵا ئۆجالان رێبەری گەلی کورد چالاکیی چادرهەڵدانیان بەڕێوەبرد و چالاکییەکە بۆ ماوەی ٢ رۆژ بەردەوام.

چالاکوانان وێنە و ئاڵاکانی رێبەری گەلی کوردیان بەرزکردبووە و لەبارەی گۆشەگیریی سەر عەبدوڵا ئۆجالان رێبەری گەلی کورد و تاوان و کۆمەڵکوژییەکانی دەوڵەتی تورک راگەیاندراویان بڵاوکردەوە. لە چالاکییەکەدا بە بەردەومی دروشمەکانی "ئازادی بۆ ئۆجالان" و "بژی سەرۆک ئاپۆ" دەوترایەوە.

ناوەندی دیموکراتیکی کورد لە سوید داوای لە کوردستانیانی ستۆکهۆلم کردووە، ئەمڕۆ لە کاتژمێر ١٤:٠٠ تاوەکو ١٨:٠٠ بەشداری چالاکییەکە بن. چالاکییەکە ئێوارەی ئەمڕۆ شەممە ٢٧ی شوبات بە رێکخستنی چالاکییەکی جەماوەری کۆتایی پێدێت.

ژ.ت