بە پاساوی "نا کارامەی و خراپ کارکردن" لە دژی شارەوانییەکانی سەربە گەورەشاری ئەستەنبوڵ ئۆپەراسیۆنێکی نوێ پێکهێندرا و پەیوەست بەچەندین سەرۆک شارەوانییەوە بڕیاری دەستبەسەرکردن دەرکرا.

حەسەن ئاکگونی سەرۆک شارەوانی بویوکچەکمەجە، هاکان باخچەتەپەی سەرۆک شارەوانی گازی‌عوسمان‌پاشا، جانەر چای‌کارای سەرۆک شارەوانی ئاڤجلار و چەندین کەسی تر لە ئۆپەراسیونەکاندا دەستبەرسەر کران.

زانراوە لە ئۆپەراسیۆنەکاندا هەڵکوتێنراوەتەسەر ماڵی ئەو کەسانەی کە دەستگیرکراون و پشکینین لە ماڵەکانیاندا کراوە.