ئەنجومەنی گەلی کوردی شارەکە بە بۆنەی ١ی تشرینی دووەم رۆژی جیهانی کۆبانی میتینگێکی ئەنجامدا. میتینگەکە لە پارکی مۆلۆز ئەنجامدرا و وێنەکانی عەبدوڵلا ئۆجالان ڕێبەری گەلی کورد، ئاڵاکانی یەپەگە، یەپەژە و پەیەدە بەرزکرانەوە.

دوای خولەکێک ڕێزگرتن لە شەهیدانی شۆڕش، یاسین تەربوش نوێنەری پەیەدە قسەی کرد. تەربوش تێکشکاندنی دڕندەیی داعش و فاشیزمی دەوڵەتی تورکی لە کۆبانێ لەبەرانبەر هێزەکانی ئازادی وەبیرهێنایەوە.

تەربوش ڕاشیگەیاند کە گەلی کورد بە ڕوحی کۆبانی بەرخۆدانێکی گەورە لەدژی فاشیزمی ئەردۆغان بەڕێوە دەبات و باسی گرنگی ڕۆڵی ڕێبەری ئازادی ڕۆژهەڵاتی ناوەڕاست عەبدوڵلا ئۆجالان کرد.

ف.ق