لە نۆکەندی ئینگلیز ١٣ پەنابەر گیانیان لەدەستدا و ٣ مناڵی تێدایە
بەرپرسانی دەریایی فەرەنسا ڕایانگەیاند ڕۆژی سێ شەممە ١٣ پەنابەر کە ویستیانە نۆکەندی ئینگلیز تێپەڕێنن، گیانیان لەدەستداوە.
بەرپرسان ڕایانگەیاند بەلەمی پەنابەرەکان لە کەناراوەکانی بۆلون-سور-میر تێکشکاوە، لانی کەم ١٣ پەنابەران گیانیان لەدەستداوە کە ٣ مناڵی تێدایە.
هەروەها ڕایانگەیاند ڕەوشی چەندین پەنابەر سەختە.
بەلەمەکە ٦٠ پەنابەری هەڵگرتووە و تێکشکاوە، بۆ ڕزگارکردنی پەنابەران کەشتییەکی دەوڵەت چووەتە شوێنەکە بە مەبەستی هاوکاریکردن.
چەند تیمێکی گەورەی ئاسایش و ڕزگارکردن نێردراون بۆ بۆلون-سور-میر.
لە دەسپێکی ساڵی ٢٠٢٤ ـەوە، ئەمە تراژیدیترین ڕووداوی پەنابەرانە. لە مانگی دووەمەوە ٢٥ کەس لەکاتی تێپەڕین لە نۆکەندی ئینگلیز گیانیان لەدەستداوە.
