لە چوارچێوەی کەمپەینی "ئازادی بۆ عەبدوڵا ئۆجالان، چارەسەری سیاسی بۆ پرسی کورد"، لەماوەی پێشوودا کەمپەینی "ناردنی ١٠٠ هەزار کارت بۆ ئیمراڵی" دەستی پێ کرد.

بەبۆنەی ساڵیادی پیلانگێڕی نێونەتەوەیی ١٥ ی شوبات، بە پێشەنگایەتی لقی ئەنتەرناسیۆنالیستی ڕێپێوانی درێژ کە ئەمساڵ لە سویسرا بەڕێوەدەچێت، لە شاری سۆلۆتۆرن کارت نێردرا بۆ دوورگەی ئیمراڵی.

ئەنتەرناسیۆنالیستەکان لە ناوەندی جڤاکی دیموکراتیکی کورد (جەدەکە) کۆبوونەوە و لەگەڵ کوردستانیان تا بەردەم ناوەندی پۆستە و گەیاندن ڕێپێوانیان کرد.

لەوێ بە زمانی ئەڵمانی ڕاگەیاندراوێکی خوێندەوە و بانگەوازیان کرد بۆ بەشداربوون لە ڕێپێوانی ١٧ ی شوبات لە کۆڵن.

هاوسەرۆکی جەدەکەی سۆلۆتۆرن، مەزڵوم کزیلداغ وتەیەکی پێشکەش کرد و تیشکی خستەسەر گرنگی هەڵمەتی ئازادی.

پاشان چالاکوانان دەیان کارتیان واژۆکرد و ناردیان بۆ ڕێبەری گەلی کورد عەبدوڵا ئۆجالان لە ئیمراڵی.