مناڵێکی ٨ ساڵ بە ناوی نارین گوران لە ٢١ ی ئاب لە گەڕەکی چولی ناوچەی ڕێزانی ئامەد بێسەروشێن بوو، لە ١٩ هەمین ڕۆژی گەڕاندا، تەرمەکەی دۆزرایەوە. لە لە ئەدەنە و وان و ئیستەنبوڵ کوشتنی نارین گوران لەڕێگەی چالاکییەوە شەرمەزارکرا.

ئەدەنە

مەجلیسی ژنان و پلاتفۆرمی ڕێگە لە کوشتنی ژنان دەگرین، لە پارکی ئەتاتورک کۆنگرەیەکی ڕۆژنامەنووسیان بەستم بانگەوازکرا "با نارینەکان نەمرن، با مناڵەکان بژین".

لە چالاکییەکەدا گوترا: "ئەمە چەند مناڵی وەک نارینی بچووک بکوژێن؟ وەزارەتی کاروباری کۆمەڵایەتی و خێزان کاری چییە؟ تەنها ئەرکی باسکردنە لە پیرۆزیی خێزان؟ ناپرسن ئەو خێزانە و ئەو مناڵە چی دەکەن؟".

هەروەها گوترا: "با ستەمی بنەماڵە و نەریت کۆتایی بێت و ئێمە حەقی نارینەکان وەردەگرینەوە".

وان

پلاتفۆرمی رەنج و دیموکراسیی وان لە شەقامی جمهورییەت ڕێپێوانی ئەنجامدا. پانکارت و درووشمەکان دژی کوشتنی نارین بەرزکرایەوە.

ڕاگەیاندراوێک خوێنرایەوە و ئاماژە بەوە کرا، کوشتنی نارین دابڕاو نییە لە سیاسەتی دوژمنایەتی مناڵان لەلایەن دەسەڵاتەوە، سیاسەتەکانی دەسەڵات هێز دەبەخشێتە بکوژانی ژنان و مناڵان.

ئیستەنبوڵ

پلاتفۆرمی ڕێگە لە تاوانەکانی دژی ژنان دەگرین کۆنگرەیەکی ڕۆژنامەوانی بەست و چەندین ژن تێیدا بەشداربوون.

تێیدا ڕەخنە لە وەزارەتی داد و وەزارەتی کاروباری کۆمەڵایەتی گیرا، جەختکرایەوە لەسەر تێکۆشانی سیاسی و هەوڵدان بۆ جێبەجێکردنی یاسای پاراستنی مناڵان.