لەپارمای ئیتالیا لەلایەن شارەوانیی مۆنتیچیارۆ و کۆمەڵەی ANPI سەبارەت بەچالاکییەکانی خەڵکی ڕۆژهەڵاتی کوردستان و ئێران، کە بە پێشەنگایەتیی ژنان بەڕێوەدەچن، چالاکیی پشتیوانیکردن رێکخرا و نوێنەری چەندین دامەزراوەی ئیتاڵی و چەندین کەسایەتی بەشدارییان لە چالاکییەکەدا کرد.

لە چالاکییەکەدا نووسەر و دەرهێنەری ڕۆژهەڵات فەریبورز کامکار و چالاکوانانی ئێرانی ئامادەبوون و چالاکییەکە تا درەنگانی شەو بەردەوام بوو.

فەریبورز کامکار باسی لە مێژووی شۆڕشی ئێران و ڕۆژهەڵاتی کوردستان کرد. هەروەها ئاماژەی بە هێرشەکانی دەوڵەتی تورک بە چەکی کیمیایی کرد، کە لە دژی گەریلاکانی ئازادیی کوردستان ئەنجامیان دەدا و داوای لە حکومەتی ئیتالیا کرد، کە هەڵوێستی کارایان لە دژی ئەمە هەبێت.

هەروەها لە ناوچەی گاریبالدی پارما لە چالاکیی گروپی دۆنا ئین نیرۆدا، کە هەموو شەممەیەک لە دژی شەڕ و چەک ئەنجام دەدرێت، پۆستەرەکانی "ژن، ژیان، ئازادی"، "دەست لە کورد هەڵگرن"، "گەلی کورد بەتەنیا نییە" و "سەودا و مامەڵە لەسەر گەلی کورد مەکەن، ئەمە شەرمەزارییە بۆ ئیتالیا" بەرزکرابوونەوە. چالاکیەیکە لەلایەن چەندین کەسەوە بە سەرنجەوە چاودێری کرا و ماوەی کاتژمێرێک بەردەوام بوو.

بۆلۆنیا

هەروەها لە شاری بۆلۆنیای ئیتالیا ڕێپێوانێکی درێژ مەودا بۆ پشتیوانیکردن لە کرێکارانی ئۆتۆمۆبیلی فایرنز (GNK) و شەرمەزارکردنی بەربوونەوەی بەهای کاڵاکان و شەڕ ڕێکخرا، دەیان هەزار کەس بەشدارییان لەو ڕێپێوانە درێژ مەودایەدا کرد.

لە ڕێپێوانەکەدا ڕێتێ جین بۆلۆگنا و رێتێ کوردستان ئیمیلیا ڕۆماگنا هێرشە کیمیاییەکانی دەوڵەتی تورکی داگیرکەریان شەرمەزارکرد و بە ئاڵای پەکەکە و یەپەگە و یەپەژەوە بەشدارییان لە ڕێپێوانەکەدا کردبوو.

ژ.ت